Fechamos folque.com 2.0

Este sitio estivo activo desde o 20 de Setembro de 2004 até o 2 de Junho de 2006.
Durante este tempo publicaron-se 810 novas e estivestedes connosco compartilhando-as 276 usuari@s registrados, acadando cifras tam significativas de visitas como as totais do projecto, aproximadamente 150.000 ou as actuais visitas diarias de promedio, em torno às 500.

Continue reading Fechamos folque.com 2.0

Reformas em folque.com

Saudaçons desde folque.com
Este sitio web entrará esta semana num processo profundo de reformas. Isto afectará a toda a estructura informativa da web e ao processo de gestom da informaçom.

Desculpas polo incomodo que isto poida causar.
O webmaster.

…continuaremos informando.

visitam folque.com Desde…

Saudos desde a parte de atrás da máquina,
acabo de incorporar a folque.com um pequeno script que conecta com clustrmaps.com, para tomar uma relaçom geo-posicional das visitas a folque.com. Este é um servizo de balde e o podes consultar na seguinte URL:
clustrmaps.com/counter/maps.php?url=http://folque.com

O servizo esta tambem de jeito visivel na columna dereita na sua parte inferior.
Um saudo desde o satélite.

folque.com bateu marca histórica de visitas

Benquerid@s amig@s, …como diria o Paco Quintas,

nom sei que passou onte, mas folque.com bateu marca de visitas.
Para um so día acadamos a cifra de… …LUUUME!!! 2.127 visitas, só no día de onte, servimos 7.346 páginas e descargaron-se desde a web 221.75 MB …em fim umha cheia de cifras que podedes comprovar nas estatísticas públicas de folque.com.

Novamente agradezer a tod@s os que o fazedes possivel, sem vos isto nom seria possivel, e aos novos visitantes, …a benvida!!!

Um saudo.

Actualizado o sistema de estatísticas

Ola, saudaçons desde o sistema.
Acabamos de actualizar as estatísticas para folque.com
A nova actualizaçom está baseada em AwStats 6.5.

A nova versom permite visualizar as estatísticas em múltiples idiomas e tambem forom engadidas novas funcionalidades que aguardamos sejam do teu agrado.

Estatísticas sempre acessiveis desde o apartado: estatísticas plus
Aprobeitar para comentar que folque.com o passado mes de Janeiro bateu marca de visitas de toda a súa historia com 9.966 visitas no mes, a raçom de 321 visitas diarias de meia.

Obrigados a tod@s @s que o fazedes possivel.

Actualiza-te em folque.com

De quando em vez folque.com emprega o registro no sistema para notificar cousas que consideramos importantes e um tanto urgentes, como si de uma lista de correio se tratara, aproximadamente uma vez ao mes soemos fazer algum envio.

Bem, algúns dos vossos endereços estam desfassados ou nom operativos polo que pregamos aos seus titulares que os actualizem para poder seguir ligados a esta comunidade. O jeito? …nada máis doado: Entra na comunidade mediante o teu login e vai ao apartado afiliación, alí poderas actualiçar os teus dados e a túa conta de correio.

Um saudo do webmaster.

Desejamos um melhor ano para os músicos e cantantes galegos

A equipa do CMTF (Pilar Araujo, Nacho Muñoz, Xurxo Troncoso, Lhosca Arias, Pablo Giraldez, Oscar Fdez, Ramom Pinheiro, Roberto Sala, Edelmiro Fdez, Chuco Estevez, Pedro Pascual, Pacior, Carlos Quintá, Rocio Maril, Ugia Pedreira e a Imprenta Alvarellos) deseja-lhes umas boas festas e parabens para os 209 usuarios-as de folque.com que cada dia fam mais vivo este medio de comunicaçom.

Desejamos umas boas festas ao alumnado do CMTF e da Efi de Lalim e da Afi de Pontevedra e agardamos que as encham as suas casas de música.

Desejamos um melhor ano para os músicos e cantantes galegos, mais circuitos, mais companherismo, mais qualidade musical, melhores condiçons laborais para todos-as e mais respeito pola cultura musical.

… introduze os teus desejos para a música galega em comentários….

Gañador do concurso da comunidade folque

O gañador da cesta musical do CONCURSO á COMUNIDADE
Concurso Dinámico de Información [CDI] para usuarias/os de folque.com que receberá un agasallo desde a Asociación do CMTF, unha CESTA MUSICAL:

  • 10 cds de música folque (de qualquer parte do mundo elexida entre o profesorado do centro).
  • 1 revista Murguia
  • O CD disco-livro “Os dezas de Moneixas. As cartas sonoras” (CMTF, Ouvirmos)
  • Sorpresa: un cancioneiro galego e un instrumento musical.

foi: XáN PAMPIN con 69 novas envidadas.
Parabéns!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Farase entrega da cesta musical o dia da presentación do seguinte curso académico 05-06 en Lalín a inicios do mes de outubro no que estará convidado o gañador.

…um pouquinho mais

A web continúa a medrar, isto já nom hà quem o pare.

Novidades:
Umha pequena referencia ao CMTF no inicio, …nom nos esqueçamos quem fai possivel todo isto.

Dado o pesso que vai tomando o apartado “programacións” na web, fazemos a primeira divissom temática deste enorme almanaque, o apartado “entidades” para as propostas organiçadas por algumha entidade, seja do tipo que seja, e nas que normalmente intervenhem varios artistas, e o apartado “artistas” para as citas de seguimento dos vossos artistas favoritos.

Continue reading …um pouquinho mais

Primeira versom de folque.com lista

Olà, saudaçons a tod@s.

Informar-vos de que a versom v1.0 de folque.com esta rematada.
A partires de aquí, queremos incorporar ao menú, um anel de webs amigas e directamente relacionadas com folque.com com o CMTF com o folque e com o mundo da música e a difussom livre da cultura em geral.

Fainos chegar as webs que conhezas e que merezam estar resaltadas deste jeito.
Podes fazer o envio das URL’s a info@folque.com

Máis cousas, nom te esqueças de votar polos novos apartados que estamos preparando. Para considerar a incorporaçom dum novo apartado, polo menos deve recibir 25 votos. Para poder votar tes que estar logueado (entrar mediante o teu registro). Igualmente se consideras algumha outra opçom para incluir na votaçom, fainolo saber.

Novidades de alto interesse recentes: visita o apartado de Marful, onde podes escoitar livremente a súa música.
Umha aperta.

Estamos de reformas

Como ja poderiades ver folque.com está mudando, entre as novidades máis importantes temos um novo menú principal ampliado e máis diversificado. Desta volta atopamos diferenciados os conteudos proprios da aCMTF e os de caracter Geral.

Máis novidades som a incorporaçom dum sistema de estatísticas avançado que nos permite dar umha leitura precissa de todas as visitas que tem a web, podedes acceder a el desde o apartado “estatísticas plus”. Parabéns a tod@s os visitantes, o día 26 de Abril acadamos um fito historico com um pico de visitas de 254 visitas num mesmo día.

Incorporaçom de inqueritos. Ajudanos a determinar os conteudos de folque.com votando o tipo de conteudos do teu interesse. Importante: Para poder votar tes que entrar “logueado” [Por medio do teu nome de usuari@ e contrasinal].

Estamos criando novos apartados de grande interesse como som as referencias de concertos e seráns, envianos toda a informaçom que conhezas neste sentido para poder espalhar o máis possivel estas citas.

[…]

Premio á participación en folque.com —> CESTA MUSICAL

CONCURSO á COMUNIDADE
Concurso Dinámico de Información [CDI] para usuarias/os de folque.com

Desde o 2 de abril do 2005 até o 2 de xullo do mesmo ano, contabilizaremos quen é a/o usuario/a mais dinámico/a, aquel ou aquela que envie mais novas á páxina da comunidade folque.com (exceptuando ao bombo e a xú) e…

ele ou ela receberá un agasallo desde a Asociación do CMTF. que consistirá nunha CESTA MUSICAL:

  • 10 cds de música folque (de qualquer parte do mundo elexida entre o profesorado do centro)
  • 1 revista Murguia.
  • O CD disco-livro “Os dezas de Moneixas. As cartas sonoras” (CMTF, Ouvirmos).
  • Sorpresa: un cancioneiro galego e un instrumento musical.

Farase entrega da cesta musical o dia da presentación do seguinte curso académico 05-06 en Lalín a inicios do mes de outubro.

…esta é a túa!!!

¿Como incorporar fotos a folque.com???

Os conteudos da comunidade folque.com medram, mas quizais bótase em falha algumha que outra foto para ilustrar tanto texto e tanta nova.

Esta é umha referencia facilitada pola comunidade vizinha alg-a.com para como solventar esta eiva actual: FAQ alg-a.com ¿Como podo mandar imaxes?
As notas aportadas nesta resposta som igualmente válidas para o casso de folque.com

400 px de ANCHO MáXIMO para imagens
em portada. Texto da nova.
500 px de ANCHO MáXIMO para imagens
em interior. Texto extendido.

Continue reading ¿Como incorporar fotos a folque.com???

Ravachol prepara para 2005 nova web baseada en GNU

A popular web do mundo do folque galego ravachol prepara un novo soporte web semellante ao de folque.com neste caso tratase do XOOPS 2.0 baixo Creative Commons License. Polo momento están en probas, esperamos pronto poder ver tan bos contidos na rede como até de agora sempre tivo ravachol.org.

…desde folque.com unha grande aperta e forte ánimo para poder ver pronto rematado o proxecto neste 2005 que xa entra.

Podes ver a páxina de probas aquí.
Adiante compañeiros!

valorar ligazóns

Polo que imos vendo en todo este tempo de evolución, cantidade de cousas dentro de folque.com están sen explorar… Comproba que as ligazóns do apartado de ligazóns poden ser valoradas e recibir votos. Esta información pode ser moi útil para quen non coñece os sitios ligados, unha vez máis animarte a participar…

valora os teus sitios preferidos!