Festa do Dezassete [que se fai o 14]

Dentro dos actos de celebraçom terá lugar um Concerto pola Língua o sábado 14 às 10 da noite na compostelana Praça de Maçarelos.

Mais um ano a Associaçom Cultural A Gentalha do Pichel celebra a

Festa do Dezassete [que se fai o 14]

para festejar o dia das letras. A Gentalha convida as pessoas que o desejarem a participar nos actos de celebraçom que darám começo a partir das 5 da tarde do sábado 14 de Maio na Praça de Maçarelos de Compostela.


Nesta segunda ediçom da Festa do Dezassete (que se fai o 14) as actividades principiarám às 5 da tarde com teatro a cargo de Esmorganas, Grupo de Teatro Feminista da Assembleia de Mulheres do Local Social A Esmorga. Umha hora depois, às 18 horas, iniciarám-se as actuaçons musicais com A Quadrilha da Marola desde a terra de Trasancos, o compostelano Grupo de Gaitas de Brincadeira e A Requinta da Laxeira, da Ulha. Para acabar a primeira parte da festa, a partir das 8 da tarde gozaremos de umha Foliada com a participaçom de componentes do Quarteto da Gentalha, Os Estalotes e Baralhete.

E já na noite do sábado 14, às 22 horas celebrará-se o Concerto pola Língua na mesma Praça de Maçarelos. A festa está assegurada com Os Tres Trebóns (e o vendaval do Rosal) com Xurxo Souto à frente. A seguir, o punk-rock festeiro e reivindicativo de umha formaçom formada lá no 1991 no bairro viguês de Cóia e que já tem editado cinco discos: Skacha. O ponto e final à Festa do Dezassete (que se fai o 14) colocará-o umha das últimas revelaçons no panorama musical galego, Lamatumbá. O grupo ouresano, em plena gira de apresentaçom do seu último disco «Lume (para que saia o sol)», deixará boa prova da energia que o caracteriza com as suas cançons de amores e conciência. Por suposto, a Gentalha do Pichel vai habilitar um balcom onde poder refrigerar-se com preços realmente populares.

Mas as celebraçons do dia das letras nom termina com a Festa do Dezassete (que se fai o 14). A Gentalha do Pichel quer chamar à participaçon cidadá na manifestaçom nacional que sairá da Alameda ao Domingo 15 às 13 horas e percorrerá as ruas de Compostela sob a legenda «Na Galiza vamos viver em galego». O dia a seguir, 16 de Maio, às 10 da noite ceia popular pola língua no Centro Social da Gentalha, O Pichel, situado na rúa Santa Clara número 21. Para acabar as actividades deste ano, o dia 17 às 6 da tarde realizará-se um mural na rua Santa Clara com a legenda: Compostela, 100% EM GALEGO.

A Gentalha do Pichel convida-vos de novo a celebrardes e festejardes connosco o dia das nossas letras.

A Gentalha do Pichel
6 de Maio de 2005, Compostela.

Para mais informaçom:
tm. 677 037 082
e-mail. gentalha@agal-gz.org