Marful :: o universo Marful

Marful está inspirado na música urbana dos anos 20-30, na introducçom das jazz-band em Galiza e na sua fussom coa música popular galega. Ritmos bailáveis de tradicción americana e europeia. Letras actuais, sociais, inteligentes e incluso ingénuas adereçadas com malícia. Música para sorrir, bailar, cantar e escuitar. Marful percorre os palcos no caminho da emoçom.

Marful

UGIA PEDREIRA – voz
MARCOS TEIRA – guitarra
PEDRO PASCUAL – diatónico
PABLO ALONSO – clarinete baixo

 

Marful som constructores de cançons, artesaos de melodias e mecánicos detalhistas de arranjos. Catro existencialistas incondicionais.

Maful tem tocado em Paris, Catalunya, Portugal e Galiza. Agora atopam-se grabando o seu primerio disco entre os estudos da Radio Galega e o seu propio estudio em Compostela a cargo de Pedro Pascual. Santiago: cidade e casa que os acolhe.

Catro músicos nados em Foz, a Pobra do Caraminhal e a Canhiça. Catro formas de entender a música popular urbana e modela-la numa só: o universo marful.

  • IRONIA – unha grande dose de complicidade entre o público e os artistas.
  • SENSUALIDADE e CARINHO – Como dizia um dos milhores músicos galegos de todos os tempos, D. Manuel Quiroga “mucho arte y un poquito de amor”. Marful tem carinho de sobra para dar ao público.
  • AMBIGUEDADE – no fio da ambiguedade abre o olhos, os sentidos e deixa-te conquistar.
  • ELEGÁNCIA E INTELIGÉNCIA – nas formas e nas letras.
  • EMOÇOM – em busca do caminho da emoçom por estradas secundárias.

Ela.
Ugia é uma das vozes mais transgresoras e controvertidas do panorama musical galego, a contra corrente. Uma grande dose de talento e creatividade. Uma mulher cénica. Dirige o Conservatorio de Música Tradicional e Folque de Lalim (Pontevedra), participu na criazón musical e puxo a sua voz no projecto teatral Dillei de Carlos Blanco (Novo camiño para o musical en Galicia). Ugia tem colaborado com músicos como Antón Reixa, Kaki Arkarazo (Negu Gorriak) , Gaiteiros de Lisboa, Eliseo Parra, Uxía, Guadi Galego, Cempés, Xenreira e Susana Seivane entre outros. Preocupada por outras expresións artísticas tem interaccionado com poetas, pintores, vdjockeys, e un elenco de artistas conhecidos e desconhecidos. Ugia puxo a voz da cançom “Gracias a la vida” de Violeta Parra no penúltimo disco do grupo italiano de punk-rock Banda Basotti e a música da Exposiçom Narracións do escultor galego Caxigueiro.

Eles. Grandes, jovens e elegantes músicos.
Marcos é um dos guitarristas de referéncia na música galega. Colaborou com Rodrigo Romaní, Budiño, Leilia, e Uxía. Realizou varios discos de música folque, jazz e flamenco. O flamenco é a sua melhor forma de expressom. Punta de Cabio é o seu primeiro trabalho discográfico. Colabora actualmente no Musical “O Labirinto dos Sonhos”.

Pedro é o presente e futuro do diatónico em Galiza: profesor, arranjista e compositor de música para audiovisual, nasceu em Madrid onde se formou e entrou na música agora vive em Compostela e leva a producçom da grabaçom de Marful. Junto ao seu irmao criarom o grupo de folque-fussom Laio e arrajarom os dous primeiros discos do gaiteiro Budiño.

Pablo é clarinetista, responsável junto aos seus companheiros dos arranjos marfulianos, tem tocado junto ao seu irmao Pedro con grandes músicos como: Jacky Molard (Bretaña), Soíg Siberil (Bretaña), Donal Shaw (Capercaillie), Wafir y Sabastian Rubio (Radio Tarifa), Alasdair Fraser (Escocia), Värtina (Finlandia), Tony McManus (Escocia), Mercedes Peón (Galiza), Pierre Invert (Francia), Mairin Fahy (Irlanda), Ove Larsson (Suecia), Leilía (Galiza) Kathryn Tickell (Reino Unido), Daniel lapp (Canada), Kepa Junkera (Euskadi), Germán Díaz (Valladolid), Jaime Muñoz (La Musgaña, Madrid), Harry Manx (Canadá), María Salgado (Castela), Uxía Senlle (Galiza)… colabora habitualmente com Germán Diaz.

      É concepçom monoteista pensar que existe uma só soluçom
      é um conceito banal, o dividendo por baixo do divisor
      é uma história perdida a coeréncia de grande pensador
      É um debate sem limite, cómo fazer a perfeita revoluçom.
      É muito definitivo uma janela tapiada na habitaçom
      é altamente agradável conhecer um valente que tenha valor
      de feito é habitual, nom dizer nada novo na conversaçom.
      É um debate sem límite cómo fazer a perfeita revoluçom.
      É um debate sem límite, cómo faze-lo perfeito.

Ugia Pedreira.
[+ info: http://www.folque.com/musica-marful/]
[+ info: http://www.clubedefansdemarful.blogspot.com/]

 

Escoita a música de Marful:

arquivos: 128Kbps MP3 96Kbps WMA
Leverelem 3.2M 2.5M
Meu Pirinho 4.7M 3.6M
Seica 4.1M 3.2M
Menina 3.9M 3.0M

Contrataçom: 669 535527 · 650 482220 · noente@aeiou.pt
Raider Marful