Voltam os Cantos da Maré

Por segunda vez em Ponte Vedra bota a andar um concerto de músicas lusófonas que tem como denominador comum o mar e a língua. Será o 15 de dezembro no Auditório da cidade.

Já no ano 2003 houvo uma primeira ediçom desta iniciativa, dirigida e concebida por Uxía Senlle. Naquela ocasiom, contaram com artistas como a própria Uxía, o brasileiro Chico César, o moçambicano Astra Harris, o cabo-verdiano D´Jon Luz, o guineense Manecas Costa, a portuguesa Filipa Pais e o grupo de cabo-verdianas afincadas na Galiza, Batuko Tabanka.

Participarám no concerto deste ano a artista galega Uxía Senlle, o compositor e músico também galego Narf, o cabo-verdiano Tcheka, a portuguesa Dulce Pontes e a brasileira Renata Rosa.

Podedes consultar esta informaçom no Portal Galego da Língua e em Nordesía Produccións.