I Concurso – Concerto do Festival da Terra e a Língua

O VI FESTIVAL DA TERRA E A LÍNGUA (Moinho de Pedroso – Narom) celebrará-se os dias 28 e 29 de Julho. Pendentes ainda de ter o cartaz definitivo, aí vai um aperitivo: um CONCURSO-CONCERTO!!!

Adxúnto-vos as BASES, que cumpre distribuir com rapidez e eficácia.
Podédes-vos queixar, preguntar o sugerir em caixacorreios@artabria.net

Obrigada.
www.artabria.net


I CONCURSO-CONCERTO DO
FESTIVAL DA TERRA E DA LíNGUA

BASES


1ª.- Poderám participar neste certame todo tipo de agrupaçons musicais, sempre e quando as suas cançons com letra sejam em língua galega e nom apresentem contidos sexistas ou homófobos.

2ª.- Os temas que se interpretem poderám ser originais ou umha versom de outro já editado com anterioridade à convocatória do certame.

3ª.- Os grupos musicais poderám interpretar qualquer estilo, polo que se estabelecerám duas categorias:

    a) FOLK e MÚSICA TRADICIONAL.
    b) LIVRE (pop, rock, ska, hard-core, hip-hop…).

4ª.- O júri seleccionará um máximo de 6 finalistas entre os grupos que em total se presentem. A decissom do júri é inapelável.

5ª.- Os grupos seleccionados participarám no VI Festival da Terra e da Língua, que se celebrará no Moinho de Pedroso (Narom) os dias 28 e 29 de Julho de 2006, sendo a Final do Concurso o dia 28.

6ª.- Logo da sua celebraçom, o júri outorgará os prémios, que nom poderám ser declarados desertos.

7ª.- Estabelece-se umha dotaçom económica global de 1700 ¤, que se repartirá do seguinte jeito:

  • 400 ¤ + actuaçom valorada em 300 ¤ por parte do Concelho de Narom, como primeiro e único prémio da Categoria FOLK e MÚSICA TRADICIONAL.
  • 400 ¤ + actuaçom valorada em 300 ¤ por parte do Concelho de Narom, como primeiro e único prémio da Categoria LIVRE (pop, rock, ska, hard-core, hip-hop…).
  • 300 ¤, a repartir entre os 6 finalistas em conceito de deslocamento (o Festival da Terra e da Língua fará-se cargo só do deslocamento dos grupos residentes na Galiza).

Condiçons ou Requisitos

Antes do dia 30 de Junho, os e as concursantes deverám enviar a:

    Fundaçom Artábria
    Travessa de Batalhons nº 7
    15403 Ferrol (A Corunha)

e ponhendo no envelope “CONCURSO”, o seguinte material:

  • I) Umha gravaçom em CD de áudio com TRÊS temas (que serám os que interpretarám no VI Festival da Terra e da Língua no caso de passar à final), fazendo constar na mesma o nome adoptado polo grupo.
  • II) Fotocópias do texto das letras das cançons interpretadas.
  • III) Envelope fechado e identificado com o nome escolhido, com os dados pessoais dos componhentes do grupo participante: nome, apelidos, endereço postal, endereço electrónico e telefone(s) de contacto.
  • IV) Características técnicas do grupo, instrumental e outras observaçons.

8ª.- A participaçom neste certame implica a total aceptaçom das bases.