Davide Salvado e Nacho Muñoz en Cantabria
6 de Xaneiro 2009 - Enviado por Folque a: Escea,Novas
Comentarios fechados
Será na IX Noche de Romancero en Castañeda, perto de Torrelavega. Terá lugar este sábado 10 de Janeiro ás 21.30 h no I.E.S. Santa Cruz (ver mapa).
Davide Salvado é um artista integral, capaz de encher o palco com a sua carismática presença. Recolhe a tradiçom mais nua e apresenta-no-la defronte, sem adereços supérfluos, mas com umha cuidada e pessoal interpretaçom. Tras vários anos acompanhando Xosé Manuel Budiño polo mundo adiante e realizando paralelamente um trabalho pessoal a partir do repertório tradicional galego, português e castelão, Davide apresenta um espetáculo no que a sua voz, cheia de matizes e dramatismo, sutil e potente, brilha e convence, enche e chega. Davide acompanha-se de percussões tradicionais, como a pandeireta galega, o pandeiro quadrado de Peñaparda ou o adufe português. Nesta ocasiom, Davide contará com o piano e a tecnologia de Nacho Muñoz.
Podes escuitar e ver pedaços do seu espectáculo aquí num concerto en San Sebastian de los Reyes.
AULA CABARÉ 08
26 de Agosto 2008 - Enviado por gaitomano a: Axenda,Escea,Formação,Novas Comentarios fechados
Cabarédeambulante
30 de Xuño 2008 - Enviado por gaitomano a: Axenda,Escea,Novas Comentarios fechados
A Compañía Femme Fatale estrea o seu novo espectáculo de rúa titulado “CaBaReDeAmBuLaNtE”
O marco escollido foi o IV Festival Internacional VISIBLE de cultura LGTB de Madrid.
Durante dúas únicas funcións, unha en San Fernando de Henares e outra no madrileño barrio de Chueca, o 27 e 28 de xuño, respectivamente, a compañía coruñesa tivo a ocasión de amosar o seu novo espectáculo .
Música dixie da man dos vigueses St James Strett Band, e un novo concepto de animación e celebración de rúa cos actores e actrices Cecilia Campos, María Manero, Débora Botana, Maisha Ramos, Jesús Graña “Chusmi” e Nelson Quinteiro.
Coreografías, intervención, e unha celebración e explosión de color de máis de dúas horas de duración.
Provocación, desperreche, moito descaro, ambigüedade e altas doses de glamour.
Arte total.Ecléctica Ensemble no CGAC
18 de Xuño 2008 - Enviado por Folque a: Axenda,Escea,Novas Comentarios fechados
Por fim!!! Ecléctica Ensemble presenta vinilo minidisc, ainda que nom hà grupo…haverá uma festa artistada com Quico Cadaval de mestre de ceremónias, Ramom Pinheiro (director da producçom), Davide Salvado, Richard Rivera, Ugia Pedreira, membros originais do projecto, Nacho Munhoz, Lez Cameselle, Luzia Aldao, Estevo Creus, Nathan Carter, Pancho Lapeña, Misha Bies Golas, Lhosca Arias, Xurxo Pinheiro, Fernando Abreu, Óscar Fernandez………. e tanta gente que participou com nós nestos anos em palco e desde hà três anos no laboratorio musical de Chaiam. Uma festa mulitidisciplinar que junta artes plásticas, poesia, desenho gráfico, música, oralidade… onde desfrutar dum acto único e irrepetivel e poder mercar o vinilo/CD do projecto.
Isto será na terraza do CGAC ás 22 horas o sábado dia 21, dia europeio da música.
Esta é a nossa despedida que terá segunda parte em Londres e em Porto.
Ficas convidadíiiiiiiiiiiiiiisima/o.
4º FESTIVAL RIO DE MUSICAS_concertos polos bares de Vedra
21 de Abril 2008 - Enviado por XURXO VALES a: Axenda,Concertos,Escea,Novas,Novidades discográficas Comentarios fechados
4 º festival Río de Músicas en Vedra:
* 4 de abril ás 23:30 – noite de REGUEIFAS – con LUIS, PINTO e BENITO – no Bar Mosqueiro en San Mamede
* 11 de abril ás 23:30 – noite de BLUES / JAZZ – ILDE LATINJAZZ – no Bar Patio en Sta. Cruz de Ribadulla
* 25 de abril ás 23:30 – noite de FADO – FADO DE PORTUGAL – no Bar A Ponte en Ponte Ulla
* 9 de maio ás 23:30 – noite de MEXICO – MARIACHIS TRIO – no Bar Elite en Vilanova
* 16 de maio á 1:00 – noite de ROCK – INVIVO- na Disco Metro de Sta. Cruz de Ribadulla
Descarga ao vivo Cuba-Galiza
9 de Febreiro 2008 - Enviado por gaitomano a: aCF Actividades,Escea,Novas Comentarios fechados
O venres 22 de Febreiro de 2008 ás 20:30 no Teatro Mella na Habana
Aínda que a música cubana se conforma fundamentalmente a partir de influencias europeas e africanas, as especificamente atribuíbeis aos galegos son reducidas a antes do s. XIX, debido á escasa presenza destes entre os continxentes de colonizadores. Na segunda metade deste século e na primeira do seguinte, a inmigración galega adquirirá considerábeis proporcións, chegando a ser a que conte con maior presenza en Cuba. Como froito de tal aporte potenciarán a economía e misturarán os xenes con tributos culturais rastreábeis na lingua, a música, a gastronomía, a arquitectura e o urbanismo. Será neste período cando se definan os principais trazos dunha historia común compartida por galegos e cubanos, na que a música destacará como o factor de fusión e transculturización máis determinante.
Hoxe unha xeneración de novos, mais experimentados músicos e bailarins cubanos e galegos, volven a ollada sobre as composicións do tempo dos seus avós. Partindo orzamentos cunha gran liberdade creativa e interpretativa dentro dun amplo abano de estéticas sonoras e coreográficas contemporáneas camiñan dende o Jazz Latino ata o Folk europeo dando forma a DESCARGA AO VIVO.
Pescudar no patrimonio musical compartido, permitiunos facer unha selección de obras que en moitos casos foran esquecidas e das cales dificilmente se atopan copias das partituras, sendo raras ou inexistentes as versións fonográficas. No caso de Del Ferrol a La Habana, que narra musicalmente o percorrido feito polo seu autor, o guitarrista ferrolán Juan Parga establecido a finais do s. XIX na Habana, contribuiu ao inicio da experimentación coas tradicións musicais. O mestre cubano Guillermo M. Tomás que foi o encargado de dirixir á Banda Municipal da Habana o sete de decembro de 1907 na estrea mundial do Himno Galego, compuxo nese mesmo ano, o pupurrí de Aires nacionales Cuba-Galicia, no que demostrou un coñecemento profundo da música popular galega coa que soubo conxugar melodías cubanas, dando continuidade á creación dun espazo de encontro para a música cubana e galega no que hoxe nós volvemos a atopar.
As festas dos galegos en Cuba celebradas antano nos xardíns da Tropical ou da Polar comezaban case relixiosamente co son da gaita interpretando a Alborada do mestre Pascual Veiga, tema que se converteu en pouco tempo nun dos símbolos espirituais da comunidade galega de emigrantes en toda América Latina. Festas nas que a gaita en mans de grupos como o Quinteto Monterrey fixo un oco na tradición instrumental cubana interpretando xotas, muiñeiras e pasodobres, e mesmo habaneiras ou danzóns. É que como dicía o escritor M. García Barros “o danzón para un galego de corazón é un acto transcendental”. O xénero creado por Miguel Failde, fillo de galego e mulata, foi o gran protagonista das romarías e a súa asimilación por parte dos membros da comunidade de emigrantes chegou a simbolizar o seu grao de integración, adhesión e compromiso co seu pobo de acollida.
Ademais das músicas que soaban nas festas impulsadas pola comunidade galega temos particular interese en dirixir a mirada e o ouvido á obra de destacados compositores galegos que viviron e compuxeron en Cuba sumando a súa bagaxe na música galega a cubana como os emigrados José Castro Chané, José F. Vide e Ricardo Fortes Alvarellos, ou o exiliado Antonio Rodríguez Álvarez. A súa obra inseparablemente galega e cubana non tivo ata agora a suficiente atención por parte dos investigadores permanecendo descoñecida por músicos e público. Tamén nós detemos ante un dos grandes mitos para a emigración galega en toda Latinoamérica, o prodixioso violinista Manuel Quiroga. Nas súas xiras polo continente recolleu ritmos e formas musicais populares que utilizou nalgunhas das súas obras máis emblemáticas como a 2ª Guajira.
Completan a nosa aproximación neste repertorio común ritmos de orixe cubana como a habaneira ou a rumba que na súa difusión e peregrinar por medio mundo chegaron e quedaron na tradición musical galega.
Un vello encontro pendente entre dúas tradicións musicais ao que acudimos seducidos. Un palco común entre músicas, músicos e público ao que agora nós sumamos nesta DESCARGA AO VIVO.
Novidades discográficas: Pai da Cana, paidacana12
17 de Decembro 2007 - Enviado por gaitomano a: Axenda,Escea,Novas,Novidades discográficas Comentarios fechados
PAI DA CANA
GRUPO DE MÚSICA TRADICIONAL
O Grupo de Música Tradicional Pai da Cana recupera un concepto de conxunto autenticamente tradicional case desaparecido no noso país: a charanga, tamén chamada murga, “conjunto típico” ou “regional”, que consiste nunha formación na que a gaita e o acordeón se funden cos instrumentos propios das bandas de música como o clarinete, o saxofón, a caixa e o bombo con pratos.
Edelmiro Fdez gañador do trofeo McCrimmon 2007 no Festival de Lorient
7 de Agosto 2007 - Enviado por gaitomano a: Escea,Novas Comentarios fechados
O mestre de gaita do CMTF, Edelmiro Fdez Parada, proclamouse vencedor por quinta vez do mais prestixioso trofeo gaitìstico do mundo.
Clica aqui pra ver o video
Edelmiro no McCrimmon 2007
Dende a equipa do CMTF moitos parabèns
Novidades Nordestin@s
31 de Xullo 2007 - Enviado por gaitomano a: Escea,Novas Comentarios fechados
Nordestin@s, ou de como a nova música galega escóitase no resto do mundo
A Coruña_31/07/07. Tres dos mellores músicos da nosa terra parten alén do mar do Norte para espallar as súas melodías polo mundo adiante: Nordestin@s (falcatruada 07), o disco de Ugia Pedreira, Guadi Galego e Abe Rábade está á venda dende hoxe en todas as plataformas dixitais, como é o caso de i-Tunes. O lanzamento inclúe, ademais, un tema extra en exclusiva, Se ti queres, que non poderás escoitar na versión física do álbum.
Porén, a prestixiosa revista de world music Global Rhythm, ubicada en Nova Iorque, seleccionou o tema Ari Ari para incluir no CD conmemorativo do seu 15 aniversario, número que sae á venda en agosto. A revista inaugura así a súa distribución internacional, co que a música de Nordestin@s se poderá escoitar ata en 25 países diferentes dos cinco continentes.
Outra boa mostra de que o éxito nordestino traspasa fronteiras é que o selo portugués Difference Music incluirá o tema Romaxe a Santo Andrés nun disco libro chamado Mediterráneo. A publicación recolle información histórica e cultural dos pobos bañados por ese mar, dende a Península Ibérica ata Croacia pasando por Marrocos, e das diversas comunidades musicais que neles habitan. Na recompilación, xunto a Nordestin@s, tamén estarán Uxía, María del Mar Bonet e mesmo Ojos de Brujo.
E non será este o único grupo galego que nos vindeiros meses amose o seu bo facer diante dun público alleo á nosa cultura: Lamatumbá, outra das bandas da factoría falcatrueira, tocará ao vivo na feira internacional Popkomm de Berlín. Será o 19 de setembro na sala Soda Club dentro do ciclo Sounds from Spain, xunto a Nena Daconte e Standard
Máis info-: www.nordestinas.eu
Iñaki Novoa- Comunicación
Tfno. 617.456.931
APRESENTAÇOM DO LIVRO COLECTIVO DE POESIA “DEZ POR DEZ”
30 de Maio 2007 - Enviado por gaitomano a: Axenda,Escea,Novas Comentarios fechados
Sábado 9 de Junho, 20.00h.
Centro Social Henriqueta Outeiro
(R/ Quiroga Palácios, 42, rés-do-chao, Compostela)
Com a participaçom da e dos autores:
Artur Alonso Novelhe, Suso Bahamonde, Maria Lado, Igor Lugris, Kiko Neves, Carlos Quiroga, Baldo Ramos, Concha Rousia, Sechu Sende e Ramiro Vidal
Coincidindo com o X Aniversário de Primeira Linha (www.primeiralinha.org), a sua estrutura editorial, Abrente Editora, decidiu solicitar a dez poetas umha colaboraçom para celebrarmos esse aniversário. Eis o resultado: o volume colectivo “10 x 10”, que fai o número 1 da sua colecçom literária Cabeça de Égua.
