jump to navigation

Quique Peón estrea “Ovay”

9 de Xuño 2009 - Enviado por Folque a: aCF Recomenda,Escea,Novas
Comentarios fechados
ovay

Ovay é o título escollido para a peza que supón o debut da compañía Quique Peón o sábado 13 de xuño ás 21.00 horas e domingo 14 ás 18.00 horas no Salón Teatro de Santiago.

O bailarín coruñés inicia -despois dunha longa e asentada traxectoria centrada no baile tradicional galego- unha nova etapa creativa na que se adentra nas formas da danza contemporánea desde a premisa de plasmar dun xeito natural a interrelación posible entre ambos tipos de expresión.

Ovay son as catro estacións do camiño da vida, os catro puntos cardinais da nosa existencia e os catro elementos da nosa alma, conceptos universais e atemporais encrucillados, ante os que nos movemos a cegas sen comprender o sentido do noso ser. Porque o sentido do noso ser está na fusión de todos eles e só se alcanza coa íntima comprensión da nosa multiplicidade.

(máis…)

Lémbra!…

1 de Xuño 2009 - Enviado por gaitomano a: aCF Recomenda,Concursos,Formação,Novas
Comentarios fechados

Que terá lugar 5 e 6 de xuño en Poio a cuarta edición deste encontro de gaitas de fol do noroeste na que se encadra o VI Concurso de gaitas Manuel Villanueva.

+info

cartaz

Festival Vibracional TPS

30 de Maio 2009 - Enviado por Folque a: aCF Recomenda,Novas
Comentarios fechados
Vibra

A vindeira semana entre o xoves 4 e domingo 7 de xuño celebrarase en Compostela o I Festival Internacional de improvisación libre de Galiza, un novo pulo no panorama actual que esta corrente está a experimentar nos últimos anos no país.

O movemento que se materializa desde o ano 2003 co Centro de Novas Tecnoloxías do Pico Sacro (TPS) e a Sala Nasa cunha intensa labor de difusión e práctica musical a través dun programa estábel de actividades: presentación de propostas en solo, dúo, trío e cuarteto, jam sessions e experimentos de condución xestual de pequenas e grandes formacións, que tiveron o seu máximo exponente na creación de O.M.E.GA, Orquestra de Música Espontánea de Galiza.
Coa celebración deste novo festival, Santiago de Compostela vaise consolidar como un dos eixos da rede peninsular de cidades de referencia da vangarda musical europea a carón de Barcelona, Madrid, Porto e Lisboa.

Descarga o libreto aquí: ProgramaVibra.pdf
PROGRAMA

minúsculo: PABLO REGA ?
19,00h | praza do toural

2dúos 1cuarteto ?
21,30h | sala nasa
MARGARIDA GARCÍA (contrabaixo) e RUTH BARBERÁN (trompeta)

MICHEL DONEDA (saxo soprano) e ALFREDO COSTA MONTERIO (acordeón, obxectos)

minúsculo: PARTO: AQUÓFONO minimal ?
19,00h | praza da quintana

(máis…)

A música popular brasileira de Fred Martins proximamente de xira na Galiza

27 de Maio 2009 - Enviado por Folque a: aCF Recomenda,Axenda,Novas
Comentarios fechados

fredmartins

O cantor do Brasil, Fred Martins prepara a súa visita a terras europeas nunha xira que o traerá a distintas vilas galegas e en diferentes formacións. Destaca o concerto que dará no Ciclo de Músicas Portuarias en Ferrol o sábado 4 de Xullo no Teatro Jofre. Ademais atópase presentando o seu último traballo “Tempo afora”.
Estas son as datas da súa xira:

Escoita a súa música no seu MySpace de Fred Martins ou

descarga unha canción do seu ñuktimo disco en formato .MP3 aqui: Doceamargo

(máis…)

X Encontros de música tradicional en Carboeiro

25 de Maio 2009 - Enviado por Folque a: aCF Recomenda,Novas
Comentarios fechados

carboeiro

Programa da X edición. 6 de xuño no mosteiro de Carboeiro, á beira do río Deza no concello de Silleda.

13.00. SESIÓN VERMÚ a cargo dos grupos da bisbarra
·Subasta das andas e PROCESIÓN dA SANTA FERREÑA (acompañada polos cabezudos de Viravolta)

-APERTURA DAS EXPOSICIÓNS:

·ANTÓN ALONSO RIOS. O SIÑOR AFRANIO
Comisión pola memoria Siñor Afranio e asoc. socio-cultural Adellís

FEIRA DE ARTESANÍA:
coiro, prata, abalorios, cerámica, títeres…

15:00- XANTAR POPULAR (empanada, carne ó caldeiro, queixo con marmelo, pan, viño/auga, café e ghotas -12€)

DURANTE A TARDE:

Haberá zona de acampada, máis info: +34 658 62 82 39

Dúo Fdz. & Quintá en concerto

25 de Maio 2009 - Enviado por Folque a: aCF Recomenda,Concertos,Novas
Comentarios fechados

quinta_oscar_logronoFernández & Quintá retoman o ciclo “ARTeria Raíz” nun concerto a dúo de acordeón diatónico e zanfona, actuación que fora adiada desde o pasado marzo.
O concerto terá lugar en ARTeria Noroeste no parque de Vista Alegre, organizado coa colaboración de aCentral Folque, o martes 26 de maio, ás 21 horas, cun prezo básico de 5 euros.
O dúo Fernández & Quintá representa dúas xeracións de músicos da terra: o zanfonista Óscar Fernández, compoñente e arranxista dos desaparecidos Cempés, talento orixinario de San Sadurniño; e Carlos Quintá, quen, dende Lalín, é un dos actuais expoñentes do acordeón diatónico aplicado á música folque.

Xuntos reinterpretan músicas tradicionais, principalmente do repertorio instrumental galego, e tamén contribúen a este patrimonio con composicións orixinais e temas adaptados doutras culturas europeas.

Os seus instrumentos, a zanfona e o acordeón diatónico, experimentan un auxe renovado entre as formacións de música autóctona. O acordeón pon a harmonía, os baixos e o dinamismo; a zanfona é a calidez das cordas frotadas maila percusión do bordón rítmico. En resumo, unha orquestra completa con só dous músicos.

Presentación das gravacións históricas dos Hermanos Moreira e un concerto de Marful

14 de Maio 2009 - Enviado por Folque a: aCF Recomenda,Novas,Novidades discográficas
Comentarios fechados

faldon_Moreiras_cor.jpg
Na presentación estarán Ramón Pinheiro Almuinha, profesor de Historia da Música en aCentral Folque e responsábel do deseño da colección e Xosé Manuel Varela, responsábel da Fundación Eduardo Pondal, organizadora do evento. O acto pecharase cun concerto de Marful.

Será na Casa dos Veciños, no Couto, Ponteceso ás 22 h este venres 15 de maio.

Son gravacións feitas nos anos 50 e 60 en Arxentina por estes irmáns que emigraron desde o seu Bergantiños natal e foron animadores en festas, romerías, programas de radio.

O traballo está editado por Ouvirmos coa colaboración co concello de Ponteceso e aCentral Folque -Centro Galego de Música Popular.

“Acordeón Mariñeiro” dos Hermanos Moreira, os primeiros galegos en gravar pezas interpretadas con acordeón. Este libro-disco recompila a integral das súas gravacións comerciais e un importante conxunto de pezas inéditas.

Os Hermanos Moreira, orixinarios de Ponteceso, chegaron nos anos 20 á Arxentina. Alí en Bos Aires ensaiaban na barbaría que abriu un dos irmáns, e no seu soto montaron un estudo de gravación. A comezos dos anos 30 forman a primeira formación coa que axiña acadaron sona e fixeron bailar polcas, fox-trots e tangos aos centros galegos e aos teatros porteños até finais dos anos 60, cando o grupo se disolveu.

Algunhas das pezas máis populares do seu repertorio eran “Recordando a Galicia” (valse) e “Aires de Bergantiños” (pasodobre), así como o valse arxentino de corte hispano “Así cantaba mi madre”. Gustaban moito tamén as rancheiras, como “Cancha a la rueda”, e a súa rumba “El loco de la batería”.

Ciclo de Músicas Inmigradas na e-Trad

8 de Maio 2009 - Enviado por Folque a: aCF Recomenda,Axenda,Novas
Comentarios fechados

imigradasA partir de mañá a e-Trad, a escola de música tradicional de Vigo,  vai desenvolver un ciclo adicado ás “músicas inmigradas”, protagonizado por músicos que residen en Galicia pero que proceden de tradicións distintas á nosa.

Cada xornada do ciclo, que se celebrará durante os vindeiros 3 venres, contará cunha parte expositiva, dando conta das características máis salientables de cada cultura, e outra musical, na que se reclamará a participación do público para conquerir un encontro ou intercambio entre culturas.

A actividade celebrarase no patio interior da Escola de Artes e Oficios e estará aberta ao público.

Este é o calendario:

Cultura de Recife

Renato Spencer, Experto en música Nordestina do Brasil

A Tabla indú

Vikas triparti, Tablista  benarés

Músicas Balcánicas

Piotr Lublin, Violinista polaco

Lembrar ademais ao respecto desta prestixiosa escola que recentemente a Concelleira de Educación confirmou o compromiso do Goberno Municipal de que esta escola non será trasladada da súa actual sede ata que un novo edificio estea en condicións de recibilas.

O curso actual rematará en García Barbón e o vindeiro curso tamén será completado na ubicación actual.

Rematando así a polémica do presumíbel traslado desta escola a outra localización sen determinar.

Linho do Cuco en Melide

30 de Abril 2009 - Enviado por gaitomano a: aCF Recomenda,Axenda,Concertos,Escea,Novas
Comentarios fechados

Linho do Cuco convídavos ao concerto que terá lugar en Melide, hoxe as 00:30 na sala 600, onde daremos conta dos temas do novo disco rodeados de amig@s que nos acompañarán.

Acompáñanos ti tamén, e ven botar unha baila!!!

cartazo linho do cuco_melide2.jpg

Linho do Cuco en aCentral folque

13 de Abril 2009 - Enviado por gaitomano a: aCF Recomenda,asoc alun@s aCentral,Concertos,Escea,Novas
Comentarios fechados

O vindeiro sábado día 18, Linho do Cuco ofrecerá no auditorio da EAEM, no parque de Vista Alegre, un concerto de presentación do novo repertorio para este verán.

Será algo íntimo e avance do traballo de todo o inverno co repertorio renovado, no que incluimos composición propia,repertorio de banda de música e música centroeuropea, sempre dende o punto de vista popular que linho do cuco dá aos temas.

A cita será o  sábado 18 ás 20:00, non faltedes.!!!

e por sempre….opaííí!!!!

cartazo linho do cuco_2.jpg

deseño do cartaz: Misha Bies Golas
www.linhodocucostyle.blogspot.com