Cristina Pato, Yo Yo Ma e o Silk Road Ensemble
18 de Maio 2009 - Enviado por Folque a: NovasComentarios fechados
Cristina Pato actuará con Yo Yo Ma e o Silk Road Ensemble nos actos do 50ª aniversario do Lincoln Center.
A gaiteira galega Cristina Pato colabora con Yo Yo Ma e o Silk Road Ensemble nos actos do 50ª aniversario do Lincoln Center de Nova York. O concerto, que se celebra o 9 de Xuño no Guggenheim Bandshell do Lincoln Center, retransmítese en directo pola PBS (a televisión pública estadounidense) no seu programa especial Live From Lincoln Center Series. O concerto inclúe obras de compositores do Líbano, India, China, Irán, Acerbaixán e Arxentina; deste país é Osvaldo Golijov, o compositor que escribiu a obra que interpretará Cristina Pato: ‘From Air to Air’, obra estreada pola gaiteira e o Silk Road Ensemble no Carnegie Hall en setembro de 2006.
A gaiteira, membro oficial do Silk Road Ensemble, colaborou con esta formación en escenarios como Chicago Symphony Hall, a Asemblea Xeral das Nacións Unidas, Carnegie Hall ou o Harman Center de Washington DC. Cristina tamén aparece como artista convidada no último disco de Yo yo Ma.
Cristina Pato, que na actualidade atópase en Nova York preparando e gravando o seu cuarto disco como gaiteira, ten previsto realizar a gravación do proxecto SOAS (Rosa Cedrón-voz e cello, Cristina Pato-piano) nos próximos meses, ademais dunha apertada xira estival que comeza no Lincoln Center e que a levará a España (Andalucía, País Vasco, Galicia), Portugal e Francia.
Cristina reside en Nova York desde o ano 2004, ano no que decidiu frear temporalmente a súa carreira profesional para centrarse na súa carreira académica e realizar o seu doutoramento co apoio da Fundación Barrié da Maza. Cristina é Doutora of Musical Arts pola Rutgers University e profesora adxunta da NJCU (New Xersei City University).
Estrea de Finlandia
18 de Maio 2009 - Enviado por Folque a: NovasComentarios fechados
Varietés de aCentral Folque no Ultramarinos
15 de Maio 2009 - Enviado por Folque a: aCF Actividades,NovasComentarios fechados
Este sábado 16 de maio no pub Ultramarinos da zona vella compostelá na rúa Casas Reais a partir das 22 h. A entrada son 5 € e o aforo limitado.
Será unha noite con pequenas actuacións variadas ao redor da música e a expresión galega: scaleta possivel:
Presentan Nogueira & Pedreira e actuarán, entre outros, Primordiais, dúo de harpa e tina desde Pontevedra; Ninacreusas cun poema escénico, dúo de acordeóns Verdegaio; Wilson Payador, improvisación oral desde Arxentina; Triorilo regueiferos e moitos máis.
Haberá ademais un sorteo dunha cesta con produtos típicos da cultura folque.
Nova Jam no Airas Nunes en Compostela
15 de Maio 2009 - Enviado por Folque a: NovasComentarios fechados
Jam Session Folque do Airas Nunes, mañá venres 15 de maio ás 21:30
Tódolos músicos estades convidados a traer os vosos instrumentos 😉
A partires das 24 h faremos tamén Jam Session de Trova Cubana.
O Airas Nunes está na rúa do Vilar nº17 da cidade vella compostelá
Son de Seu en concerto en Narón
14 de Maio 2009 - Enviado por Folque a: Concertos,NovasComentarios fechados
Será este domingo 17 no Pazo da Cultura de Narón ás 19 h. O prezo da entrada é de 10 €. (7 abonados)
Información e reservas no 981 10 28 97
Presentación das gravacións históricas dos Hermanos Moreira e un concerto de Marful
14 de Maio 2009 - Enviado por Folque a: aCF Recomenda,Novas,Novidades discográficasComentarios fechados
Na presentación estarán Ramón Pinheiro Almuinha, profesor de Historia da Música en aCentral Folque e responsábel do deseño da colección e Xosé Manuel Varela, responsábel da Fundación Eduardo Pondal, organizadora do evento. O acto pecharase cun concerto de Marful.
Será na Casa dos Veciños, no Couto, Ponteceso ás 22 h este venres 15 de maio.
Son gravacións feitas nos anos 50 e 60 en Arxentina por estes irmáns que emigraron desde o seu Bergantiños natal e foron animadores en festas, romerías, programas de radio.
O traballo está editado por Ouvirmos coa colaboración co concello de Ponteceso e aCentral Folque -Centro Galego de Música Popular.
“Acordeón Mariñeiro” dos Hermanos Moreira, os primeiros galegos en gravar pezas interpretadas con acordeón. Este libro-disco recompila a integral das súas gravacións comerciais e un importante conxunto de pezas inéditas.
Os Hermanos Moreira, orixinarios de Ponteceso, chegaron nos anos 20 á Arxentina. Alí en Bos Aires ensaiaban na barbaría que abriu un dos irmáns, e no seu soto montaron un estudo de gravación. A comezos dos anos 30 forman a primeira formación coa que axiña acadaron sona e fixeron bailar polcas, fox-trots e tangos aos centros galegos e aos teatros porteños até finais dos anos 60, cando o grupo se disolveu.
Algunhas das pezas máis populares do seu repertorio eran “Recordando a Galicia” (valse) e “Aires de Bergantiños” (pasodobre), así como o valse arxentino de corte hispano “Así cantaba mi madre”. Gustaban moito tamén as rancheiras, como “Cancha a la rueda”, e a súa rumba “El loco de la batería”.
XIII Festa da Marosa en Burela
14 de Maio 2009 - Enviado por Folque a: Concertos,Escea,NovasComentarios fechados
A XIII edición da Festa da Marosa desembarca un ano máis en Burela cargada de actividades para festexar a semana das letras. O venres 15 e o sábado 16 de maio a Mariña converterase na capital cultural da música, do teatro, do audiovisual e da gastronomía.
O venres 15 levarase a cabo a estrea da Marcha da Marosa, peza composta por Edelmiro Fernández para comezar as actividades do festival, que será tocada polo autor e os que se presten a tocala con el ao por do sol na Praia da Marosa.
- Descarga a partitura en Do: MArosa-C
- Descarga a partitura en Re: Marosa-D
- Descarga a Marcha en formato midi: Marosa-Midi
Ademais, durante os dous días que dura a Festa da Marosa, todos os que se acheguen ata Burela na primeira “Foliada do Norte” con Luar na Lubre, Festicultores, GalegoZ, Clan Maragato, Tiruleque, Banda das Crechas e Foula.
Podedes consultar o programa extendido aquí.
PROGRAMA
VENRES 15 DE MAIO
- 18.00h. OBRADOIRO AUDIOVISUAL: CANTA CLARO Praza de Abastos. Un grupo de traballo recollerá entrevistas e recursos sobre a Hª do festival durante todo este tempo. ‘Canta claro’ pretende ser o comezo dun traballo documental que se realizará ao longo do verán.
- 20.00h. MÚSICA AO POR DO SOL Praia da Marosa. Estrea da peza composta por Edelmiro Fernández para comezar as actividades do festival. Esta peza pretende ser un referente para vindeiras edicións, nas que a intención é seguir compoñendo temas para compartir entre os artistas que se presten a tocala ese día ao por do sol neste paraxe natural.
- 21.30h. TEATRO. Casa da cultura. A Obra: No Comment de Producións Excéntricas será a encargada este ano de dar vida ao teatro dentro do festival.
- 23.00h FOLIADA DO NORTE: ABERTA ATE O MENCER. Carpa-Praza da Mariña. A primeira Foliada do Norte trae a Burela a urdime máis profunda coa nosa cultura musical. Os encargados de abrir a foliada son:
- FOULA,
- A BANDA DAS CRECHAS
- TIRULEQUE
- 12.00h CASTELOS NO AIRE Praza da Mariña. Para os máis pequechos da festa.
- 13.00h SESIÓN VERMÚ: OS FESTICULTORES Praza da Mariña. Estes cultivadores de festas percorrerán e animarán as rúas da vila, e dirixiranse á Praza da Mariña para comezar a festa xa pola mañá cedo.
- 14.30h. GASTRONOMÍA: XANTAR DE CUADRILLAS Praza de Abastos. Este ano a sección gastronómica decántase por render homenaxe ao cocido pataqueiro. No verán o bonito e no inverno o cocido. Pois para este mes das letras a Peña Palestina elaborará cincocentas racións para degustar esta especialidade tan do país.
- 17.00h. SEICA BÁILA-LO SUELTO Exteriores da Casa de Cultura. Chus da Bandeira será a encargada por segundo ano consecutivo de achegar aos máis pequenos ao baile tradicional do mellor xeito posíbel, brincando. Despois da experiencia do ano pasado, decidimos repetir para fomentar o baile nas novas xeracións festeiras.
- 22.30h. FESTIVAL Carpa-Praza da Mariña.
- CLAN MARAGATO
- LUAR NA LUBRE
- GALEGOZ
Este ano por vez primeira o festival diversifica os seus escenarios. A praia da Marosa, a praza da Mariña e a Casa da Cultura son os espazos escénicos elixidos para esta nova edición de “Goza co saber dos povos”. Un novo xeito de renovar e dar continuidade a un festival que segue a medrar e dinamizar a vida cultural da vila, achegando este tipo de eventos á Mariña coa fin de unificar xeracións mediante o encanto da música.
Un ano máis a Festa da Marosa busca transmitir un fondo compromiso de amor á terra e de relación entre culturas, comprometéndose co seu público xa fiel e atraendo cada vez a máis persoas coa súa variada oferta cultural de calidade.
Entre a música e a palabra
14 de Maio 2009 - Enviado por gaitomano a: Axenda,Concertos,Escea,NovasComentarios fechados
A DEPUTACIÓN DE PONTEVEDRA CELEBRA O II CERTAME DAS LETRAS GALEGAS “ENTRE A MÚSICA E A PALABRA”, DEDICADO ESTE ANO A RAMÓN PIÑEIRO
Este venres 15 de maio ás 20:00 celebrase no Pazo provincial o II Certame das Letras Galegas “Entre a música e a palabra”, dedicado este ano ó escritor Ramón Piñeiro. Por segundo ano consecutivo a Deputación de Pontevedra prepara un acto de exaltación da lingua galega cunha festa entre a música e a palabra.
Letras galegas 09 no Pazo de San Isidro de Mondoñedo
13 de Maio 2009 - Enviado por Folque a: NovasComentarios fechados
Os vindeiros días 15, 16 e 17 de maio, a factoría cultural A Nao Mai organiza os actos para as Letras Galegas. Nao pretender ser un espacio para a cultura, o teatro, a música … aberto e participativo.
Entre outras iniciativas, Nao leva traballado arreo para poñer en marcha o Pazo de San Isidro, en Mondoñedo, como sede da asociación e para poñer este espazo privilexiado a disposición de creadores, artistas e do público.
www.anaomai.blogspot.com
Concerto das Letras Galegas en Pontevedra
12 de Maio 2009 - Enviado por Folque a: NovasComentarios fechados
Este xoves, 14 de maio ás 21 h no Pazo de Cultura a Banda de Música de Pontevedra traen de convidadas a Tanxedoras e ao cuarteto Laghareu, do que Edelmiro Fernández (mestre de gaita na aCF ), nun concerto especial no día das Letras.
Estará dirixida polo seu director titular: Juan Lois Diéguez
Programa:
- Os muiños da Barosa – Adrián Silva
- Balada Galega – Juan Montes/arr. Juan Lois Diéguez. Solista: José Varela Pardo, tuba
- Alborada Galega – P. Veiga/arr. X.L. Represas Carrera
- Non Chores sabeliña – Gustavo Freire
- Muiñeira de Cadós – Tradicional/Arr. Juan Lois Diéguez. Grupo convidado: Tanxedoras
- Ponteareas – R. Soutullo. * 80 aniversario da súa composición
Entrada libre ata completar aforo
Máis información en: www.bandamusicapontevedra.org