OLEG SHAROV NA CASA DAS CRECHAS
8 de Decembro 2008 - Enviado por xan pampin a: Novas
Trackback
Este martes 16 de decembro no pub compostelán da Casa das Crechas estará o grande maestro ruso Oleg Sharov, asiduo visitante das nosas terras pero nunca decpciona nun concerto. Virtuoso, delicado e impresionante, este veterano do acordeón cromático de botóns fará as delicias de todas as persoas que se acheguen a este concerto.
Naceu en San Petesburgo o 18 de agosto de 1946. Ós 8 anos de idade comezou os estudios musicais de acordeón. Obtivo o título de profesor de Acordeón no Conservatorio de San Petesburgo. Destacou como solista interpretando música clásica e folclórica, así como música de Cámara. Son de recoñecido prestixio os seus arranxos para acordeón. En 1963 comezou a traballar como profesor de música na escola pública impartindo clases durante sete anos.
Desde 1970 é profesor do Conservatorio Rimski Korsakov de San Petersburgo onde imparte clases de acordeón. A organización Lenkconcert, da cal Oleg Sharov é membro honorífico, proporcionoulle os concertos como solista, viaxando polo seu país, resto de Europa (Francia, Inglaterra, Italia, Suíza, España e Portugal) e outros lugares como Finlandia, Dinamarca, Polonia e por último Estados Unidos.
En setembro de 1991 realiza o primeiro Seminario de Acordeón no Conservatorio Superior de Barcelona. En maio de 1992 ofreceu tres conferencias no mesmo centro. Gravou algúns discos onde mostra os diferentes estilos de música para acordeón, como: clásico, barroco, romántico, contemporáneo, música para concerto e folclórica. Estes discos foron gravados en Alemania, Suíza e Francia.
Desde 1994 é o Xefe do Departamento de Acordeón do Conservatorio de San Petersburgo.
Comentarios
MARTES 16¡¡¡¡¡¡¡
Pampín sempre atento!!haha