I Congreso Lugares de cultura
17 de Xaneiro 2009 - Enviado por Folque a: Novas
Trackback
O Congreso Lugares de Cultura pretende xerar un debate que se enmarca dentro dun ámbito de reflexión teórico máis amplo, o da cultura e o desenvolvemento. Dentro deste marco, abordamos o papel que xogan os equipamentos culturais como ferramenta de desenvolvemento dos territorios.
O congreso trata de reflexionar sobre a idea de cultura e desenvolvemento. En primeiro lugar, desde a reflexión teórica que propón o relatorio inaugural, en que se analiza a evolución das propostas sobre cultura e desenvolvemento ao longo dos últimos 25 anos, o estado actual da cuestión e as liñas que se abren para afrontar o futuro. E, en segundo lugar, desde as experiencias e boas prácticas que se están a desenvolver no momento actual, que permiten ver de que maneira os equipamentos culturais xeran beneficios para a súa comunidade.
Terá lugar no Palacio de Congresos de San Lázaro en Santiago de Compostela entre o 21 e o 24 de xaneiro.
Para máis información e inscripción nas xornadas, seguide esta ligazón ao portal web do congreso
Comentarios
Comentarios fechados