ENVIADO POR D. HIPÓLITO CABEZAS Ó L-GAITA (vie ago 25)
31 de Agosto 2006 - Enviado por xan pampin a: Crítica,Novas
Trackback
Boas noites;
Son Hipólito Cabezas e xa estou máis que canso das vosas opinións
e saídas de ton que a min non me interesan e por moito que fagades ou digades
non ides conseguir convencerme de nada, ninguén vos deu o titulo de defensores e
censores de todo o que suceda en torno á Gaita nin posuides (aínda que o
creades) a verdade absoluta .
Levo 20 anos dando clases de Gaita e xa vin de todo, pero seguro
que ningún de vós, nunca viu en ningún lado declaracións miñas con falta de
respeto a ninguén polo seu traballo ou pola súa inexistencia, nin molestando ou
insultando a un grupo de rapaces que nalgún caso a media de idade non superaba
os 12 anos ( que emocionante, verdade Sr. Ernesto Campos, para o ano tedes que
ser máis por si os rapaces se enfadan e vos din algo).
Non podo deixar de salientar a hipocrisía de cando me vedes e
vides a saudarme a darme a man(como en Sóutelo, Sr Ignacio Ramos) ou pedirme
incluso algún favor (que de momento nunca neguei a ninguén, aquí prefiro non dar
nomes, xa que nalgún caso son demasiado persoais.)
A verdade que eu si podía dicir moitas cousas, xa que parece son o
branco a abater, pero hoxe só vou dicir tres.
1.- O mércores mentres estabades tan preocupados en como molestar
a uns rapaces só polo mero feito de pertencer a unha banda, por que o voso
criterio das gaitas ou tambores foise polo chan, cando fixéchedes o mesmo con
Bandas con Gaitas tradicionais e tambores de media tensión, iguais que os que
utilizan bandas tan respetadas coma Xarabal ou a desaparecida Ancoradoiro. Pero
deuvos exactamente igual, ese realmente non é o problema, eso simplemente é o
gancho para enganar a cantidade de xente, para que vos siga; o que queredes é
outra cousa, pero para iso tedes que traballar máis queridos amigos. Volvamos
ao tema, o mércores no boletín de Pontevedra, pax. 28, saía un anuncio sobre
unhas prazas de mestre de gaita e percusión, canto tradicional, zanfona, violín
folk,linguaxe musical aplicada e requinta cun prazo de presentación de 10 días
nunhas datas moi apropiadas, e onde as bases pódense consultar no taboleiro da
Escola de artes e oficios según di o boletín. Quizais
non decides nada porque os vosos amigos “Xaquín Xesteira” e “Chisco” que tanto
protestaron noutra ocasión, incluso nos periódicos, teñen a praza dende fai
anos, por que nin sequera na páxina de AGA se da ningunha información, que
descoido. A min gustaríame que me axudaran a preparar a documentación para
presentarme coma xa fixeron noutras ocasións.
2.- Falando de Lorient, onde o Sr Nacho Ramos leva moitos anos levando
gaiteiros para representar a Galicia, elixidos a dedo nun famosísimo concurso
“tradicional”, o “Trofeo Macallan”, que se creou a imaxe e semellanza do
concurso de BAGPIPE, pero claro sempre nun segundo plano, tanto en horario,
medios e premios, pero alí ten a boca máis pequena, e pouco lle importa que os
galegos sexan os últimos para todo, el seguirá facéndonos o favor de levarnos a
Lorient, sen cobrar un peso e pagando a maior parte dos gastos do noso peto,
pero sempre previa mariscada ou similar.
3.- Non entendo que moitos dos que protestan despois chegan ao seu ensaio de
grupos folk e utilizan baterías (tradicionais), whistles (tradicionais), bodhram
(tradicionais), violín (tocado dun xeito galego con ornamentación galega, como
se ensina na UP ou no Folque de Lalín), guitarras con afinación abertas
(tradicionais), bouzoquis (tradicional), é verdade, me esquezo que as bandas
somos os únicos que temos a obriga de manter a tradición (algún non debe saber
ler o famoso “Pacto de Mos”), os grupos folk poden facer o que lles pete pero
as bandas non.
Haber se vós enterades dunha vez as bandas non somos centros de recuperación
exclusivos, soamente son grupos de persoas que disfrutan tocando e polo que vexo
moito máis que vós, xa que non temos ningún complexo de inferioridade, nin nos
preocupa o que fagan os demais, só nos preocupamos do noso traballo, haber se
aprendedes, por que si vos sodes moitos, uns 600 na AGA, nós na Federación
Galega de Bandas de Gaitas somos 12.000 e non creo que vos gustara que
apareceramos nas vosas actuacións a darvos un pouco da vosa medicina, pero o
mellor de todo é que despois de ser vós os primeiros dubido moito que superades
comportarvos coma as Bandas que nunca tiveron unha reacción hostil tendo máis
que motivos, quizais é problema de educación.
Hipólito Cabezas
Comentarios
Todo eso esta moi ben pero non me di nada das subvencions que levaron as suas historias marciais.
Moi ben sodes 12000 e nos 600, vale pero haberia que ver que conciencia ten cada un dos nosos e dos vosos por non meternos en criterios de musicalidade e virtuosismo…que tamen e importante non nos enganemos.
Se ben a falta de educacion que vostede argumenta poidera ser froito da indignacion que sinten colectivos que si de verdade traballan altruistamente dando clases por ahi adiante facendo a sua propia interpretacion do folclore, que è o que o enriquece, non no seu caso que o contaminan deliberadamente con influencias de corte militarista.
Ten que ter claro que unha cousa e a evolucion ou a mestizaxe e outra unh acopia deliberada dalgun orixinal, e se vostede se mete con calquera das influencias da musica folque: vexase:
(3.- Non entendo que moitos dos que protestan despois chegan ao seu ensaio de
grupos folk e utilizan baterías (tradicionais), whistles (tradicionais), bodhram
(tradicionais), violín (tocado dun xeito galego con ornamentación galega, como
se ensina na UP ou no Folque de Lalín), guitarras con afinación abertas
(tradicionais), bouzoquis (tradicional)
Todos esos casos que vostede cita non levan as subvencions millonarias que manexa vostede, tanto a da problematica banda de gaitas da deputacion ou as noites maxicas de vigo….que todos sabemos o que hai.
Asi que amigo teña conta non vaia ser o demo.
que cada un desfrute a música e faga con ela o que lle veña en gana. O certo é que isto parece unha guerra de miserias. Os que gañan diñeiro coa docencia, os que non gañan tanto, os que están apoiados polas institucions, os que non, cal é mais tradicional, quen non o é. As bandas de gaitas é un formato musical como outro calquera, como os coxuntos musicais, as charangas. O problema radica nos intereses políticos.
Non existen oposicións públicas para entrar como profesor nos conservatorios “non oficiais” de Lalín, non sei no de Vigo.
A música tradicional non ten uns estudios homologados.
resposta… a outro alumno cmtf…
“que cada un desfrute a música e faga con ela o que lle veña en gana”…
-totalmente dacordo…sempre respetando e respetándose (non sen o “r”)
“O certo é que isto parece unha guerra de miserias. Os que gañan diñeiro coa docencia, os que non gañan tanto, os que están apoiados polas institucions, os que non,”….
-non estou dacordo… isto non é unha guerra… isto é un acto de TERRORISMO CULTURAL… financiado case EXCLUSIVAMENTE CON DIÑEIRO PUBLICO (o gran problema do asunto).
“cal é mais tradicional, quen non o é.” ….
-en desacordo tamén … as bandas de gaitas non son formatos ou agrupacións tradicionais (todos o sabemos e eles mismos o recoñecen, neste asunto non existe debate).
“como os coxuntos musicais, as charangas”
– (non sei a que te refires con conxuntos músicais “grupos folk”, “grupos tradicionais” orquestas, bandas municipais…)
pero non compares as CHARANGAS OU MURGAS cas bandas de gaitas, moito mais antigas as primeiras e tiveron unha relevancia importante no seu momento que quedou plasmada no folclore…
“O problema radica nos intereses políticos.”
-¿hai intereses politicos no asunto das bandas de gaitas? pois si…claro…os intereses chamanse : Judas: 120.000 euros (para a formacions de escolas de musica tradicional, que acaban sendo TRADICIO-ANAIS) e tamén: Circo Romano: 240.000 euros (para un espectaculo que, creo eu, deberían ser para agrupacions tradicionais, reflexo e sentir dun pobo e unha cultura, e non para as TRADICIO-ANAIS, que son unha patraña engañosa de catro listillos…que deberían financiar os seus inventos cos SEUS CARTOS e NON COS DE TODOS.
“Non existen oposicións públicas para entrar como profesor nos conservatorios “non oficiais” de Lalín, non sei no de Vigo.
A música tradicional non ten uns estudios homologados. ”
-Buenooooooo¡¡¡… aquí perdinme eu…
-Non sei a que ben isto, pero dá igual…
– ¿como cres ti que se HOMOLOJAN os estudios?…que ben un politico de turno e zasss¡¡¡ homolojada a música tradicional…¡¡¡ non amigo non. As iniciativas como a U.P. de Vigo ou o CMTF de Lalín, xunto con outras escolas presentes e futuras adicadas o estudo e á aprendizaxe da musica, baile..etc tradicionais, son infinitamente necesarias porque van a ser o xermen, a base, dos que empezan a ser e que serán os estudios (creo e desexo) oficiais, reglados, homolojados, validos, correctos, chámalle como queiras… quero dicir con isto que todolos camiños comezan dando un paso, e outro e outro ata que chegas ó final (se é que o hai, pero neste caso está claro que o final existe e é moi fermoso).
Todo chegará.
un saúdo
Mmmmm, dudoso gusto este das bandas de gaitas….
Hai un problema de musicalidade, esta é unha páxina dun centro no que a elegancia, musicalidade e coherencia son de altísima importancia. Tocade amigos MUSICOS, e os que nos sexades músicos deixade os debates para o Parlamento, e realizade os vosos hobbies tratando de desfrutar e non facer dano.
– este debate mismo é unha miseria. A guerra sigue sendo das gaitas?
– as bandas de gaitas non son agrupacións tradicionais podo entendelo, se ti o dis. Que é unha agrupación tradicional? . 1,2,3 dime cando se incorpora un bombo á formación de cuarteto de gaitas? a partir de qué data histórica consideras ritmos,formatos e instrumentos tradicionais da música galega? de dónde ven o tamboril? cando chega o vals e a mazurca? as polainas cantas décadas duran nas pernas dos galegos? e dos franceses? os grupos de música tradicional galega con qué armonias tocan? Cal é a tua sociedade tradicional?
– conxuntos musicais dos anos 60-70.
– en qué ano se formaron as murgas e charangas e porqué?
– tes razón diñeiro publico mal repartido.
– unha vez homologados os estudios teria que haber oposicións e funcionariado (uiui). As miserias serian outras e o curriculun oficial as veces non quere dicir nada.
¡Pero qué fato de toliños estades feitos todos!
Ó final, redúce-se todo ó asunto dos cartos… e non hai mais.
Deixade de troulear ca excusa da música (é coma discutir de colores), da tradición e do número de compoñenetes de cada unha das correntes (é o mais parvo de todo-lo que levades dito hasta agora).
A única discusión válida é a dos cartos. ¿Por qué se subvencionan mais as Bandas de Gaitas? Non he un asunto musical nin cultural ¿certo? ¿Por qué os concellos tiñan grupos de baile ou bandas municipais antes (rara vez tiñana as duas cousas) e agora teñen bandas de gaitas ou bandas municipais ou grupos de baile (rara vez duas cousas)?¿Por qué a xente que toca n’unha banda municipal non baila nin canta nún grupo de baile?, etc…
E indo a raiz do tema ¿por qué é necesario subvencionar á música de calqueira tipo? Se o folclore é do pobo o pobo pode-se facer cargo pero ¿quere face-lo, relamente?
Os “puristas”: Hai que subvencionar a música tradicional para manter ás raices (simple pero parvo)
Os “evolutivos”: Hai que subvencionar as bandas de gaitas porque crean moitos gaiteiros (dudoso e bastante parvo tamén)
Ó final a única posición relamente vàlida son os que montan o grupo po-la sua conta. Se queres ser de corte tradicional montas un cuarteto e màtas-te indo de concurso en concurso e buscando actuaciois po-los concellos e romerias. Se queres ser de corte “evolucionista” montas un grupo de folck (ou de heavy-folck) e màtaste indo de concurso en concurso e buscando actuaciois po-los garitos e festas “arraund de guorld”.
O resto son xente que tocan po-la subvención e, volvendo o comenzo de esta epístola (parezco un crego cos pergaminos que escrivo), ese resto non debería discutir de música ou de tradición porque non viven e, po-lo tanto non senten, a música ou a tradición como se deben vivir e sentir para poder discutir con pes e cabeza sobre o tema
Respecto do número de bandoleiros, parafraseando a famosa sentencia respecto dos trintas de trives, os outros son 3 pero valen por 30.
Eu non son partidario da subvencións, había que facer as cousas inda máis difíciles, facer gaitas pra fakires que cada vez que pousaras un dedo nun burato do punteiro o furaras cunha agulla, así os que tocaran serían realmente os teimudos, os que realmente aman a gaita e a tocan porque é o que queren facer, non porque lles sexa o mesmo tocar unha gaita que dar patadas a un balón con tal de viaxar, non ós que lles dan todo masticado e máis doado imposible, só falta que lles movan os dedos con motorciños e lle soplen a gaita por medios mecánicos pra que non cansen…
O tema é ¿realmente fan falla tantos supostos gaiteiros?
Eu coido que non…
Quen quere aprender de verdade acaba aprendendo dun xeito ou outro. Con elo non quero minusvalorar as indudables ventaxas que hai hoxe en día coa abundante e variada oferta docente, do que sí quero chamar a atención e que en moitos sitios que hai gaiteiros maiores, estase perdendo a cadena de tradición e transmisión oral de coñecementos, repertorio…, xa que a miudo os profesores de gaita dan o seu programa previamente diseñado sen adaptalo nin incluir o repertorio, estilos, referencia ós gaiteiros vivos e mortos, da zona, non valoran ós antecedentes, o que ven de atrás, somentes o novo, o que está encamiñando a un gravísimo empobrecemento e pérdida de patrimonio musical e a unha perigosa uniformización de estilos e repertorio.
Hoxe en día todo é light, morno, con sacarina, a xente prefire comer papilla que unha boa chuleta, que é maís difícil de comer, pero sabe máis rica, si tes o dente agudo, se non criaches e practicaches cos dentes pra telos fortes e sans, hai que seguir ca papilla, claro…
Era millor que a todos os das bandas os puxeran a picar pedra, restaurar pobos, casas antigas, facer labores de voluntariado social, construir residencias pra ancianos, facer algo proveitoso, así polo menos algo permanecería pra posteridade de todo o inxente desembolso económico i esforzo social que se está facendo a costa dos cartos de todos os galegos.
As notas lévaas o vento, pero a unhas máis que a outras i eso vese claramente en Ourense que despois de ser unha provincia cuns hipotéticos 5000 gaiteiros (non sei onde irá agora a conta) e cunha efervescencia de bandas dende fai máis de doce anos é unha das provincias con máis pobreza musical, con menos grupos de música galega, tradicional, folk, etc. e con menos músicos recoñecidos de Galicia (non me valen fenómenos mediáticos…) en gran parte a causa da característica propia de Ourense de estar na periferia e alonxado dos centros económicos e de decisión do pais, pero en parte porque é o claro exemplo de que as bandas únicamente valen en último termo pra sacar rendabilidade política dun xeito relativamente doado.
A min tampouco me ten que convencer ninguén de nada, pero non porque defenda a miña posición a capa i espada e tapando as orellas do ruido que hai ó meu redor que indica que hai algo que non pega e que chirría co tema das bandas, ademáis non gaño nada con elo, a miña é unha situación e postura á que teño chegado que é producto dun longo proceso de reflexión e de sufrimento de ver durante anos en Ourense como hai xente que se aproveita da ignorancia da xente en xeral en temas básicos como son a nosa música e cultura e queren dar gato por lebre, aparte, o que non é o menos importante, de empregar todo tipo maniobras torticeras propias de rexímenes totalitarios e tramas de espionaxe pra facer naufragar calquera iniciativa que xurda á marxe deles por pequena que sexa e silenciar ás voces discordantes con respecto ós seus proxectos tildándoas de radicais e interesadas.
Poderíase ver o tema das gaitas como un trasunto da loita política democrática, dúas posturas enfrontadas, que aceptan as reglas de xogo, e gaña o que convence máis, ten millor programa, etc. pero non, aquí o que gaña é o que ten máis enchufe, i está máis perto das esferas de poder, e punto.
Oé, Félix! Fice-ches unha valoración moi axeitada. A tua opinión e os teus argumentos son os únicos de todo o que queda eiquí dito que merece a pena (incluidos o meu propio comentario e o do que ven en Cabeza(s)). Penso imprimi-lo e colga-lo na miña sala; en serio.
Non estou en Ourense pra poder corroborar-lo teu penúltimo párrafo pero non anda moi lonxe das cousas que oio e vexo (eu tamén toco n’unha banda de gaitas e algo sempre vai chegando os meus oidos).
Estou d’acordo que ó tema dos cartos (hai xente que s’está enriquecendo e que aspira a enriquecer-se mais) hai que lle engadir o tema do rendimento político rápido e doado (ainda que iso soio representa que algún outro quere seguir enriquecéndo-se mais).
Mais non creo que a causa do estoupido do fenómeno “banda” en Ourense sexa a sua situación físico-política senon, como ben apunta-ches antes, o desconocemento do bagaxe “folclórico”.
Eu son-che de Lugo (creo que a situación fisico-política ha de ser semellante a de Ourense) pero, os meus abuelos festexàron-se bailando o solto ó son da gaita e o tamboril. Ainda mais, eu (xunto con grandes compañeiros e familiares) fixemos, mais d’un ano, a festa da miña aldea unícamente co son das nosas gaitas. Xúro-che que ver bailar á xeneración dos meus abuelos foi a mais grande experiencia folclórica que vivin nunca (e bailar con eles foi muito mais gratificante, emocionante e divertido que ningunha das veces que teño bailado ou tocado n’un escenario).
Po-la familia (e os veciños) da miña moza (que sí é de Ourense) din-me conta que os seus pais non chegaron a ver bailar ós seus própios abuelos ó son da gaita. Algún si que recorda algunha festa con un acordeonista, pero gaiteiros non. ¡¡Esto implica que xa hai catro xeneracions (mínimo) de descoñecemento do bagaxe folclórico na sua aldea!!
Por outra parte, e sentindo moito ter que decir isto, en toda Galiza, “o que gaña é o que ten máis enchufe, i está máis perto das esferas de poder”, como foi sempre (habería que mirar de cambia-lo algún día).
Dende a Sección Femenina de Falange, hasta a Real Banda de Gaitas, pasando por grupos folclóricos (na coruña, p.ej.), coros (en Ferrol, p.ej.), e incluso Balets Galegos (que, falando de importación foránea e gasto de cartos públicos, os de Rei de Viana non envídian a ninguén).
Ó dito, Fèlix, tes o meu recoñecemento.
Felícidades por te-la testa no seu sitio (vai en serio).
P.D. Variedade sempre oubo. O problema é cando se quere pasar ó monocultivo. Igual de malo é o monocultivo de alfalfa que de repolos. ¡¡¡Os cartos pra “picar pedra, restaurar pobos, casas antigas, facer labores de voluntariado social, construir residencias pra ancianos, facer algo proveitoso” e non para o monocultivo cultural e/ou musical!!!
penso que o problema é educacional. Ven directamente desde a raiz, desde o xen. Chamase ignorancia da historia musical de Galicia.
Falta de respeito hacia ela. Isto non ven de agora mismo. E por iso é morno e con sacarina. E a música non é unha excusa é un medio e un fin en si mesmo.
Son un amante da música tradicional e folque galega e do resto do mundo, inda que nacín en Ourense levo xa 8 anos vivindo en Compostela. Este ano por motivos académicos tiven que vir a vivir a Ourense de novo e resulta que a miña facultade atópase a 20 metros da sede da Real Banda de gaitas desta cidade, coñecìn a moitos dos seus membros e incluso fun a algùn dos seus ensaios.
E podo decir que as ideas que eu tiña sobre este tipo de experimentos son certas, non sò estan tremendamente politizados senon que en xeral a xente sabe moito de escocesadas e irlandesadas e moi pouco ou nada de cultura tradicional galega, e inda asì son os que mais subveciòns levan.
Estou pensando en cambiar a miña partida de nacemento e poñer que nacìn en COMPOSTELA, na praza do OBRADOIRO una noite de orballo. Un saudo e ànimo.
Olaaa
Eu prefiro non engadir nada mais, nen darlle outra volta á roda..Xa estou canso. Claro que é tema de política e de cartos.
Nós seguiremos traballando, pese a que os do lado escuro se empeñen en xustificar o inxustificable. Traballando sen políticos e sen cartos, como se fixo sempre. E cando falo de “nós” falo, por exemplo da Aula GomesMouro, que como outra moita xente en Ourense, (xente moita dela que comenzou nas bandas), creo que sí que imos polo bo camiño, aínda que esto ao fin e ao cabo, só o saberemos dentro de 100 anos ?
Só unha cosa para Xacobe, …non cambies a túa partida de nascemeno, oh!!!, un pouco de orgullo, carallo!!! En Ourense hai moito mais do que a xente imaxina….
http://www.gomesmouro.tk
compróbao no Día do Orgullo dos vindeiros 15 e 16 de nadal
Esta mensaxe é pra Xacobe…
Non te avergoñes de ser de Ourense porque uns pailáns se adiquen a facer cousas que a historia os porá no seu sitio.
De Ourense tamén foron xente como Faustino Santalices, Modesto Sánchez, pilares fundamentais na recuperación da música tradicional galega… xa sin falar de intelectuais, escritores, etc.
A nós moitas veces, cando ibamos a tocar por ahí, en lugares emblemáticos de Galicia, dixéronnos moitas veces, cando nos preguntaban que de ónde eramos, medio despectivamente “¡Ah eu pensaba que en Ourense só había marcianos!”.
En todas as partes cocen fabas, non só en Ourense, e precisamente por esa razón hai que desbotar á xente esa idea da cabeza… É doado criticar ó da provincia do lado e os bandoleiros da súa cidade, léxase en Vigo, Ferrol, etc. etc. deixalos. Eu son de Ourense, e estou orgulloso de ser de aquí a pesar dos bandoleiros… e precisamente aquí é onde máis falla fai xente que traballe pola música tradicional en vez de pasar o día desfilando…
Saudos
Félix
eu so sei que non sei nada…….. moito falas poli pero ken te coñeze fala mal de ti por ser como es…. sempre se falou mal de foso e as sua banda……. agora te toca a ti….. APANDA!!!
pfffffffffff