Ciclo de Músicas Portuarias. Máis detalles
12 de Xuño 2008 - Enviado por Folque a: NovasTrackback
Lembrade que a Asociación do Conservatorio de Música Tradicional e Folque está a organizar -canda o Concello de Ferrol a través da concellería de Cultura- o Ciclo de Músicas Portuarias. Aínda que este ano estivemos sen curso regular, tentamos manter a calidade das produccións que dende aquí se deseñan.
Esta ocasión para adicar un festival ás músicas populares dos portos, das tabernas, de ritmos “ida e volta”, misturados, eclécticos…
Este será un festival de música mariñeira na excelencia do Teatro Jofre como escenario principal mais tomando outros espacios da cidade coma a Capela do Torrente Ballester -antigo Hospital- e as míticas lanchas que transportaban os habitantes da bisbarra pola ría entre Mugardos, San Felipe e Ferrol.
Un cartel de dimensión internaional con Mísia como estrela pero sen esquecer novos valores coma Anabel Santiago ou Marcelo Mercadante ou os xa consagrados Marful.
Concertos no Teatro Jofre ás 20.30 tódolos venres:
-
20 Xuño Marcelo Mercadante (Arxentina. Tango)
-
27 Xuño Marful (Galiza. Musica popular urbana)
-
4 Xullo Anabel Santiago (Asturies. Tonada)
- 11 Xullo Mísia (Portugal. Fado)
Entradas: 12 e 9 € -Mísia a 18 e 12 €-
Abonos no despacho de billetes do Jofre: 30 €
E ADEMAIS, actividades paralelas o 5 de xullo
- Espectáculo para nenos A MONTAÑA MAGNÉTICA con STRANNIKI e Manolo Panferreteiro. 18 h. Auditorio Torrente Ballester. De balde
- Paseos musicais pola ría na lancha “Calabrote”:Dúo Fernández/Quintá: acordeón e zanfona.
Saídas do peirao de Curuxeiras ás 12, 13 h. Billetes para xente con abono. Previa reserva
Comentarios
Comentarios fechados