Café da memoria.Conversas cos nosos maiores
19 de Xuño 2008 - Enviado por Folque a: Axenda,NovasTrackback
VINDEIRO XOVES 26 DE XUÑO ÁS 18.30. O Museo do Pobo Galego CONVIDAN AS XENTES DA PARROQUIA DE ZOBRA (LALÍN).
Unha parola con café na que os nosos maiores falarán das súas experiencias. Un xeito de achegármonos a como vivían o amor cando mozos, como eran os xantares de celebración, as crenzas e costumes ao redor da morte, a escola, como foi a introdución de nova tecnoloxía no campo ou dos novos aparellos domésticos, como ven a vida agora… Un encontro que conta coa xenerosidade enorme de particulares e colectivos que participan para traballar encol do galego oral, da recuperación, a través destes portadores e portadoras, dun modelo de expresión que nos mostra a riqueza e variedade da nosa lingua, dos contos e sucedidos, dos ditos e saberes, da xestualidade que acompaña calquera narración oral.
Visita a súa web:
http://www.museodopobo.es/
Comentarios
Comentarios fechados