Pedagoxía Kodály
Imparte: SERGIO DE LA OSSA
“O método Kodály: adaptación galega”
- Lugar: Conservatorio Oficial de Santiago de Compostela
- Prezo: 100 €
- Datas: 6, 7, 14 de marzal (16 h)
- Horario: de 10 a 14 h e de 16 a 20 h; o venres 6 de tarde; o sábado 7 de mañá; o sábado 14 todo o día.
- O carácter do curso é introdutorio, entregarase un CD con temas de mostra e partituras.
- Cómpre acudir con roupa e calzado cómodos: cantarase e moverase moito o corpo.
Sinopse:
- Obradoiros: repertorio de xogos, bailes e cantigas tradicionais galegas, ensino de romances e creación de novas historias cantadas.
- Recursos e ferramentas didácticas do método Kodály na educación musical.
- Introdución ao ensino das músicas modais, ritmos aksak, harmonía.
- Iniciación ao análise do folclore, secuenciación e planificación.
- Repertorio de folclore doutras culturas: Zimbabwe, Ghana, Hungría, Portugal, Catalunya.
- Visionado de vídeos: análise, comentario e discusión.
Obxectivos:
- Ter un repertorio básico ordenado para o ensino da música tradicional galega e poder empregala no ensino da lectura e escrita da música.
- Amosar as bases teóricas do Método Kodály e a súa posta en práctica.
- Abrir vias de pensamento sobre como traballar distintos eidos da linguaxe musical: modos, compases de amalgama..
Breve biografía de Sergio
Nace en Madrid (1978) e vive desde 1982 en Compostela onde realiza estudos de Educación Musical, completando a súa formación de Pedagoxía musical no Instituto Kodály (Kecskemét, Hungria) entre 2001 e 2004. Na actualidade, está no último curso do grao superior de Guitarra clásica no Conservatorio da Coruña.
Exerceu coma mestre de Solfexo e Harmonía na Escola das Artes. Hoxe imparte aulas de guitarra na Escola de Música Berenguela, así como cursos sobre baile, xogos e adaptación do Método Kodály á realidade galega.
Traballa na transcrición, edición e arquivo do material musical pertencente ao Arquivo do Patrimonio Oral da Identidade do Museo do Pobo Galego.
