que fixemos?
A información que aparece neste apartado pertence ao tempo no que folque.com era o portal da escola con sede en Lalín. A última actualización é do ano 2006.
“muito arte e un pouquiño de amor” Manuel Quiroga
Desde o equipo do CMTF queremos dizervos que depois destes 5 anos tamos orgullosos/as e contentos. E damoslle as grazas a toda a xente que colabora con nós sabendo que “outro mundo musical é posibel” e que o futuro da música galega faise todos os dias.
A Asociación do Conservatorio de Música Tradicional e Folque
(CMTF) nace coa intención de cubrir un baleiro educativo: a producción e a divulgación cultural no mundo da música galega. Debido á gran repercusión que están a ter as músicas tradicionais, o equipo do CMTF entendeu que era preciso e de vital importancia para adquirir unha formación especializada a creación dun centro formativo onde se impartise, baixo unha marcada liña metodolóxica, unha docencia razoada, efectiva, coñecedora da tradición e dos camiños da creación, tanto para os adultos como para os cativos/as.
A asociación ten como local social actualmente o Auditorio Municipal de Lalín, situado na comarca do Deza e está traballando, en primeira instancia, para ela e para os núcleos de poboación próximos, aínda que tamén dirixe a súa oferta formativa a cidades como Compostela, Ourense, Pontevedra, Lugo ou Vigo. O alumnado ven desde Serra de Outes, Sarria, Santiago, de distintos puntos do pais. Así o centro é tamén un lugar de encontro activo, adaptado ás necesidades específicas do campo musical galego, cun carácter aberto e innovador, baixo unha aposta europeizante.
A Asociación Conservatorio de Música Tradicional e Folque de Lalín desenvolveu un plan de estudos creado desde o centro, coa intención de avanzar na normalización do ensino deste tipo de música. O programa de estudos que se imparte segue un currículo planificado que busca unha formación integral no alumnado, non só unha superación como instrumentista ou cantante, senón a aprehensión duns valores e coñecementos básicos para coñecer, comprender e respectar a música de raíz.
Asemade, desenvolveu unha serie de actividades paralelas ao ensino, como foron: monográficos de formación permanente, o Ciclo de Músicas Tradicionais no Ano da Música de Pontevedra 2004, I e II Encontro de Acordeón Diatónico en Lalín e Bertamiráns, o 1º Congreso Galego de Antropoloxía Musical, excursións musicais, intercambios, etc… ou xunto coa USC o 1º Postgrado en Música Galega.
O coñecemento de novas técnicas musicais e artesanais, a constante reelaboración da música de raíz, a atención ás edicións discográficas, o estudo das teorías contemporáneas sobre música patrimonial, o traballo escénico, a estimulación do espírito crítico, a valorización do patrimonio inmaterial galego-portugués… son conceptos e camiños vixentes no traballo de produción da asociación.
A música galega ten conta cun amplo abano de posibilidades no eido comercial, educativo e artístico. A asociación do CMTF co apoio da súa comunidade web www.folque.com (mais de 300 visitas diarias) está a ser un referente importante para o coñecemento e o achegamento dos profesionais e do público interesado polas músicas de raíz do mundo.
Memoria das actividades organizadas no Conservatorio de Música Tradicional e Folque de Lalín.
1º curso 2000
| 13 de abril | Obradoiro de percusión do Norte Peninsular. Instrumentación: pandeiretas, culleres, pandeiros, tixolas… Imparte Eliseo Parra. |
| 1 de xullo | Concerto de Fin de Curso. (Presentación do traballo dos combos e alumnado do conservatorio no Auditorio Municipal de Lalín) |
| 21 e 22 de xullo | Cursos de verán. Cursos de Interpretación musical en colaboración con o Festival Foliada de Lalín.• Acordeón Diatónico. Imparte Pedro Pascual • Sanfona. Imparte Germán Diaz • Expresión Corporal e Espacial. Imparte Lez Comeselle. • Txalaparta. Imparte Fun–Txala • Introducción ao Sound system. Imparte Warger Pa. |
2º curso 2000-2001
| 8-9 de decembro | Curso de construcción de palletas. Impartido por Antón Corral. (Universidade popular de Vigo) |
| 16 de decembro | Seminario de desinibición corporal Impartido por Mercé Pérez |
| 20 de xaneiro | Cursos intensivos. • Frauta traveseira. Impartido por Jaime Muñoz • Mantemento e funcionamento da sanfona. Impartido por Jesús Reolid (Asociación Ibérica de la Zanfona) e Carlos Beceiro |
| 20 de xaneiro | 1º ENCONTRO GALEGO DE SANFONISTAS.Lugar. Auditorio Municipal de Lalín. |
| 9 de febreiro | TVG. Gala da gastronomía
|
| 10 de marzo | Cursiño de baile tradicional. Impartido Ana Maria de Dios |
| 24 e 31 de marzo | Curso de expresión vocal. Impartido por Cristina Dominguez (Directora de Factoría Teatro) |
| 25-26 maio 21-25 maio |
I CONGRESO DE ANTROPOLOXIA MUSICAL. • Relatorios sobre o contexto:
Margarita Soto Viso “A canción galega” José Antonio Gómez “De etnomusicología española: notas de historia. Una aproximación al siglo XX” Mesa Redonda “A invención da Tradición” • Relatorios sobre o texto:
Rosa Maria Torres “As canções tradicionais no ensino e a sua perspectiva didáctica no conceito de Zoltán Kodály” José Luís do Pico Orjais “Metodologia e análise da música patrimonial” • Exposición de tecidos tradicionais. Colabora Museo do Pobo Galego
• Clausura. Concerto a cargo dos Combos Folque do C.M.T.F de Lalín Presentación-concerto do disco “O Gaiteiro do Fragoso“ de Henrique Otero. Do Fol. Boa Music |
| 21 e 22 de xuño | Cursos de verán. Cursos de Interpretación musical en colaboración con o Festival Foliada de Lalín.• Curso de sanfona impartido por Germán Diaz • Curso de construcción de palletas impartido por Antón Corral (U. P. Vigo) • Curso de Metodoloxía do Traballo de Campo impartido por José L. do Pico • Curso de baile galego impartido por Chús Caramés e CarlosVidal • Curso de tambor e bombo impartido por Manolo Alonso e J. María Gutierrez |
| 30 de xuño | Roteiro musical pola Serra do Candán organizado polo alumnado do Conservatorio. |
| 1 de xullo | Concerto de Fin de Curso. (Presentación do traballo dos combos e alumnado do conservatorio no Parque de Loriga. Lalín.) |
3º curso 2001-2002
| 10 e 11 de novembro | Excursión pedagóxica. Museo da Gaita de Xixón e Obradoiro de Instrumentos da Deputación de Lugo. |
| 15 de decembro | MASTER CLASS. GRANDES MESTRES DO FOLQUE EUROPEO. • Jacky Molard (violín), • Dominig Molard (percusión), • Jean Michel Veillon (frauta), • Erik Marchand (clarinete), • Jacques Pellen (guitarra), • Kalinka Vulcheva (voz).Coa colaboración do Pub Barriga Verde (Lalín), Aula de Música Tradicional Gomes Mouro (Ourense) a Sección Tradicional da Escola de música municipal da Coruña e Ínsua Music. |
| 12 de xaneiro | Curso de desinhibición vocal. Imparte Davide Salvado |
| 2 de febreiro 8 de xuño |
I CURSOS MONOGRÁFICOS. • Monográfico de cordas folque: guitarra, mandolina, laude… Imparte Dani Sisto • Monográfico en pandereta galega. Imparte Davide Salvado e Uxia Pedreira • Monográfico Historia da música tradicional galega 1850-2000 Imparte Ramom Pinheiro • Monográfico de gravación musical. Imparte José Trincado • Monográfico de violín folque. Imparte Kim Farinha |
| 9 de marzo | 1º ENCONTRO GALEGO DE ACORDEONISTAS DIATÓNICOS. Lugar Pub Mundo Celta. Bertamiráns. |
| 23 de marzo | Curso de acordeón diatónico (Técnica e repertorio de Bretaña). Impartido por Loïg Troel |
| 30 de marzo | Obradoiro de txalaparta. Teoría e práctica do Instrumento. Impartido por Xavier Extnaiz e Juan ExtnaizCoa colaboración da Aula de Música Tradicional Gomes Mouro (Ourense). |
| 30 de marzo | Concerto percusión e voz. Alumnado da Aula de Canto do Conservatorio.Lugar: Residencia da terceira idade de Lalín. |
| 6 de abril | RADIO GALEGA. Programa Lume na Palleira Especial dedicado ao Conservatorio de Música tradicional e folque de Lalín. • Entrevistas • Actuacións musicais do alumnado |
| 15 de xuño | ESPECTÁCULO FOLQUE. Concerto de Fin de Curso. (Lugar. Auditorio Municipal de Lalín) • Presentación do traballo dos Combos do Conservatorio. • Presenta Luis Correa “O Caruncho”. • Invitada Sonia Levedinsky. • Presentación do grupo de voz e percusión experimental: Ecléctica Ensemble. |
| 1 de xullo | Mostra de canto difónico a cargo de Pierrot Diellet. |
4º curso 2002-2003
| 16 de novembro ao 8 de febreiro |
II CURSOS MONOGRÁFICOS. • Monográfico de Percusión brasileira Imparte Xurxo Troncoso • Monográfico en pandeireta galega. Imparte Davide Salvado e Uxia Pedreira • Monográfico Historia da música tradicional galega 1850-2000 Imparte Ramom Pinheiro |
| 7 de febreiro | INTERCAMBIO Conservatorio de música tradicional e folque de Lalín – Centre Artesá Tradicionarius de Barcelona. • Encontro de acordeón diatónico no C. A. T (Barcelona) Músicos invitados Pedro Pascual e Uxia Pedreira |
| 8 de febreiro | INTERCAMBIO Conservatorio de música tradicional e folque de Lalín – Centre Artesá Tradicionarius de Barcelona. • Concerto de Marful no C. A. T. (Barcelona) |
| 14 de febreiro | INTERCAMBIO Conservatorio de música tradicional e folque de Lalín – Centre Artesá Tradicionarius de Barcelona. • Concerto de Pont d`Arcalís no Auditorio municipal de Lalín. Ciclo Venres Básicos |
| 15 de febreiro | INTERCAMBIO Conservatorio de música tradicional e folque de Lalín – Centre Artesá Tradicionarius de Barcelona. • Curso de acordeón diatónico (Repertorio, técnica e investigación do diatónico nos Pirineos) Impartido por Arthur Blasco. |
| 19 de febreiro | RADIO GALEGA programa O Miradoiro. • Entrevistas – Actuacións musicais do alumnado. |
| 22 de febreiro | Curso de aproximación ao flamenco. (Ritmos, palos, harmonias…) Impartido por Marcos Teira |
| 22 de febreiro | Seminario de harpa céltica. Impartido por Rodrigo Romaní (Director do Conservatorio de Música Tradicional de Vigo. Universidade Popular de Vigo) |
| 8 de marzo | Seminario de formación interno. • História do canto popular. Evoluçom e contextos. Impartido por Ramom Pinheiro |
| 5 de abril | Seminario de formación interno. • História da gaita – de – fol. Evoluçom e contextos. Impartido por Ramom Pinheiro |
| 5 de abril | Curso de cantos populares galegos. (Repertorio básico) Impartido por Uxia Pedreira |
| 12 de abril | Concerto. Duo Acordeón diatónico – requinta. Alumnado do Conservatorio.Lugar: Residencia da terceira idade de Lalín. |
| 16 de abril ao 29 de xuño |
III CURSOS MONOGRÁFICOS. • Monográfico de Percusión afro-brasileira II Imparte Xurxo Troncoso • Monográfico en violino. Imparte Kim Farinha |
| 26-27 de abril | Excursión a Urueña. (Valladolid) Pobo con patrimonio musical onde haberá unha visita guiada no museo de instrumentos da Fundación Joaquín Diaz. |
| 7 de xuño | MOSTRA DE MÚSICA TRADICIONAL. Organiza: Asociación Ourensana de Folclore. III Achegas ao folclore. Concerto no Auditorio do Conservatorio de Ourense. Invitados: Sección Folque da Escola Municipal de Música da Coruña e os Combos Folque do C.M.T.F. de Lalín. |
| 14 de xuño | Cursiño de baile galego. Imparte: Francisco Javier Feijóo. “Chisco”. Conservatorio de Música Tradicional de Vigo. Universidade Popular. |
| 21 de xuño | ENCONTRO DE INVESTIGADORES. Presentación do arquivo fonográfico de José Manuel Aldea. Encontro sobre historiografía da música popular galega. Relatorios de José Luís do Pico Orjais e Ramom Pinheiro Almuinha. |
| 21 de xuño | II ENCONTRO GALEGO DE ACORDEÓN DIATÓNICO. Lugar: Pub Barriga Verde en Lalín. |
| 28 de xuño | CONCERTO FIN DE CURSO. FESTA FOLQUE. Subida en globo aerostático e pregón a cargo do artista lalinense Miguel Calvo. Presentación do novo Combo Folque dirixido por Roberto Sala. |
5º curso 2003-2004
| 4 de outubro | Presentación do curso 03-05 e programa de estudios do CMTF no Auditorio de Lalín. Concerto do prof. Pedro Pascual e o alumno Carlos Quintá. |
| 14 de novembro | CURSOS MONOGRÁFICOS. • Monográfico de xestión laboral e intelectual para intérpretes e autores musicais. Impartido polos advogados: Rosaura Rodriguez (Santiago) e Xavier Alonso (Vigo) • Monográfico de Cantos do mundo. Repertorio do Leste de Europa, America Latina, cantos hindús, xaponeses. Impartido por Pilar Araujo |
| 21 de novembro | Charla Coloquio “Proxectos culturais nas vilas galegas” na Casa da Cultura de Noia Presentación do proxecto curricular de centro do CMTF de Lalín. Ramom Pinheiro. Organiza: Asociación Cultural O Moucho de Noia. |
| 29 de novembro | Presentación e inauguración do Curso de Postgrado da USC “Curso de especialización en música tradicional galega” no Auditorio de Lalín coa presencia equipo docente, o concelleiro de cultural Román Rodriguez e os directores do postgrado Xavier Garbayo / Ramom Pinherio e Dona Carolina Roberson. CMTF – USC / Concello de Lalín. Curso de Postgrado da USC “Curso de especialización en música tradicional galega”. Seminario: ” Introducción á etnomusicoloxía. “Dra. Dª Carolina Robertson, Universidade de Maryland |
| 26 de decembro | Obradoiro de canto tradicional para rapaces. Impartido por Pilar Araujo Ciclo “Cantos e contos do Nadal”. Organiza: Asociación de amigos do Museo Galego da Marioneta. Viravolta. Colabora: CMTF de Lalín. |
| 10 de xaneiro | CURSOS MONOGRÁFICOS TRIMESTRAIS. • Monográfico de guitarra. Impartido por Ramón Feáns • Monográfico de pandeireta. Impartido por Davide Salvado |
| 16 de xaneiro | Presentación do cd-libro “Os Dezas de Moneixas” no Museo Ramón Aller de Lalín.. Edita Ouvirmos. Investigación: alumnado da Aula de Teoria e Método do CMTF de Lalín. Texto: Luisa Areán Concerto: Froitos do Deza e Almunado de gaita do CMTF. |
| 24 de xaneiro 31 de xaneiro |
• Monográfico de percusión brasileira. Impartido por Xurxo Troncoso |
| 14 de febreiro | Curso de Postgrado da USC “Curso de especialización en música tradicional galega” USC / Concello de Lalín / CMTF Seminario: “A música tradicional: evolución, contextos e cambio social”. Dr. D. Josep Marti, Instituto Español de Musicoloxía-CSIC, Barcelona |
| 21 de febreiro | • Curso de Postgrado da USC “Curso de especialización en música tradicional galega” USC / Concello de Lalín / CMTF Seminario: “O cancioneiro galego de tradición oral: analise e tipoloxías”. Dra. Dª Dorothé Shubarth, Universidade de Basilea. • Cursiño de sanfona con Pascal Lefeuvre e Germán Diaz. Casa da Xuventude. Lalín. |
| 13 de marzo | Curso de Postgrado da USC “Curso de especialización en música tradicional galega” USC / Concello de Lalín / CMTF Seminario: “Metodoloxía e técnicas de investigación en música tradicional”. Dr. D. Enrique Cámara de Landa, Universidade de Valladolid |
| 19 de marzo | • Conferencia e video proxección sobre Benny Moré por Felix Contreras. Presentación do libro “Yo conocí a Benny Moré” do escritor cubano Felix Contreras. • Curso de Postgrado da USC “Curso de especialización en música tradicional galega” USC / Concello de Lalín / CMTF Seminario: “A poesia popular: o texto na música tradicional” Dr. Domingo Blanco |
| 20 de marzo | Monográfico de acordeón diatónico. Impartido por Cati Plana (ESMUC – Barcelona) |
| 27 de marzo | • Monográfico de baile galego-danza contemporanea. Impartido por Jaime Diaz e Vicente Colomer (Nova galega de danza – A Coruña) • Monográfico cantos do mundo II. Impartido por Pilar Araujo • Curso de Postgrado da USC “Curso de especialización en música tradicional galega” USC / Concello de Lalín / CMTF Seminario: “O traballo de campo” Dr. D. José Antonio Martín Herrero, Universidade de Extremadura |
| 3 de abril | • Monográfico de percusión brasileira II. Impartido por Xurxo Troncoso • Curso de Postgrado da USC “Curso de especialización en música tradicional galega” USC / Concello de Lalín / CMTF Seminario: “Música e etnicidade na Galicia contemporánea: A construcción dunha identidade musical galega” Dr. D. Luis Costa – Vazquez Mariño, Universidade de Vigo |
| 10 de abril | Seminario de introducción á analise musical do folclore galego. Impartido por Jose Luis Dopico |
| 17 de abril | Convivio Agueda – Lalín. Visita da A. C. D´Orfeu de Agueda ao CMTF de Lalín. Obradoiro sobre cantigas galego-portuguesas. Monitores: José Luis Dopico e Ugia Pedreira. Xantar de convivio. Jam sesión. Pub Barriga Verde |
| 24 de abril | Presentación do cd-libro “Os Dezas de Moneixas” Ouvirmos no programa da RG “Lume na Palleira ” por José Luis Dopico. |
| 24 e 25 de abril | ANO DA MÚSICA EN PONTEVEDRA. Ciclo de músicas tradicionais. Concello de Pontevedra. Ouvirmos. CMTF de Lalín. Obradoiros infantís e xuvenís. Pazo da Cultura de Pontevedra. • Mostra interactiva de instrumentos populares do mundo. Monitor: Roberto Sala • Construcción de instrumentos populares. Monitor: Xurxo Troncoso • Baile galego. Monitora: Pilar Gonzalez • Cantos do mundo. Monitora: Pilar Araujo • Percusión e voz. Monitores: Xurxo Troncoso e Davide SalvadoCurso de Postgrado da USC “Curso de especialización en música tradicional galega” USC / Concello de Lalín / CMTF
• Talleres de interpretación musical. Profesorado do CMTF de Lalín e profesores asociados.
2.. Sanfona. Profesores Oscar Fdez. / Gutier Alvarez 3.. Gaita. Profesor Edelmiro Fdez. 4.. Percussom. Profesor Francisco Estevez 5.. Canto. Profesores Ugia Pedreira / Xavier Diaz |
| 28 de maio | Ciclo Venres Básicos. Concello de Lalín • Presentación do Espectáculo folque do Conservatorio de Música Tradicional e Folque de Lalín. RE ELABORA SONS. |
| 30 de maio | ANO DA MÚSICA EN PONTEVEDRA. Ciclo de músicas tradicionais. Concello de Pontevedra. Ouvirmos. CMTF de Lalín. Mostra de pandeireta peninsular: Xavier Leturia (Euskadi), Eliseo Parra (Castela), Maribel López (Asturies) e Henrique Peón (Galiza) |
| 5 de xuño | Presentación da revista CARTAFOLK e charla-coloquio: “Unha visión da actualidade do folk galego”. Oscar Losada. Crítico musical e jornalista de “La opinion” da Coruña. Responsable dos Premios Opinión da Música Galega. |
| 11 de xuño 19 de xuño |
Presentación do controlador Midi con dixitación de gaita de José Presedo Curso de Postgrado da USC “Curso de especialización en música tradicional galega” USC / Concello de Lalín / CMTF Seminario: “Historiografia da música patrimonial”. Sr. D. José Luis do Pico, CMTF de Lalín. |
| 26 de xuño | Curso de Postgrado da USC “Curso de especialización en música tradicional galega” USC / Concello de Lalín / CMTF Seminario: “Aproximación ós cancioneiros da música tradicional galega” Prof. D. Xavier Groba |
Comentarios»
Ainda nengún comentario, queres ser o primeiro?