Concerto DUF: Persia-Exipto-Galiza
13 de Novembro 2008 - Enviado por Folque a: Novas
Trackback
Este venres 14 comeza por fin o festival DUF que abrirá as súas actividades na praza da Ferrería de Pontevedra ao redor das 17 h coa inauguración da carpa/haima DUF coa mostra de artesanía musical, posto de venda de libros e discos, tetería e punto de información.
Tamén a esa hora se fará un obradoiro musical para nenos e nenas aberto a todos os que por alí pasen. Confirmados xa está a rapazada da Aula Folque Infantil e a do recén aberto Centro de cultura e idioma árabe do centro socio-cultural do Calvario de Vigo que xuntará a pícaros de orixe galega e de orixe árabe en actividades ao redor da percusión, o baile e o canto.
E un dos actos máis importantes do festival terá lugar no centro cultural Caixanova ás 20 h co concerto gratuíto que xuntará no mesmo palco a tres bandas de proxección internacional:
- Barbod e Massud Naderi (Irán)
- Leilía
- Mohammed el Sayed (Exipto)
Será unha oportunidade única de ver en directo a representantes das culturas musicais máis importantes do mundo árabe (Persia e Exipto) coas máis representativas do folque galego.
Mohhamed el Sayed e a súa banda serán os encargados de fechar este concerto
Comentarios
Comentarios fechados