Impartido por quenes acaban de publicar o libro didáctico "Así fan os bailadores" O obxectivo deste curso é dotar de repertorio, recursos e material didáctico a monitores e mestres que queiran introducir os seus alumnos no baile tradicional galego, ademais de servir de iniciación a calquera persoa interesada neste eido.

A orde que será a habitual para unha clase de iniciación:


- BAILES-XOGO (cos que quecemos e traballamos aspectos motrices e figuras básicas)



- DANZAS (coas que aprendemos movementos e pasos simples)



- BAILES SOLTOS (nos que se traballarán primeiro os pasos base e logo as combinacións deles, dándolle especial importancia ao "baile de creación" : a invención e improvisación de puntos por parte dos propios bailadores, fronte á reprodución de "bailes feitos")



- BAILES AGARRADOS (cos que rematamos a sesión, xa que pola súa sinxeleza alivian o esforzo que requiren os bailes soltos)