A música tradicional como ferramenta educativa é o tema adicado no  último número -de periodicidade cuadrimestral- da RGE (Revista Galega de Educación) con interesantes artigos escritos por docentes e investigadores en activo e desde diferentes referencias coordinados por Tino Labaña .. Colaboran, entre moitos outros, Baldomero Iglesias, Guadi Galego, Fernando Abreu, Luís Prego, Xaneco, Xaime Estévez, Manolo Maseda, Pablo Carpintero, Alexandre Sotelino,...

O Instituto de la Juventud (Injuve) do Ministerio español de Igualdade, publicou o fallo dos distintos xurados sobre os premios 'Creación Injuve ' nas seu oito modalidades. En Propostas Escénicas, recibiu o galardón a peza de danza contemporánea "Habelas " da compañía galega Traspediante. Ademais do premio en metálico, terán que representar a obra no Cículo de BB.AA. de Madrid o vindeiro 18 de setembro.

"Habelas" será representada na Mostra de Teatro de Cee o martes 24 de agosto no Auditorio Municipal ás 24 h.

Por vez primeira o grande acordeonista Colombiano, o rei da cumbia e o vallenato, actuará en Galiza con dúas actuacións estelares. Co seu quinteto no Ciclo TRad de Carballo -venres 20 de agosto ás 22.30 h na praza do Concello- e en cuarteto no Festival dos Abrazos de Santiago -sábado 21 ás 20 h na Praza de San Martiño Pinario-. Música de baile, lixeira e con moita forza ao ritmo do acordeón diatónico, as congas ou a guacharacha que non deixarán a ninguén no sitio sen mover os pés.

En abril de 2009, aCentral Folque e Espazos Sonoros organizaron na Sala Nasa de Santiago, un obradoiro de gravación en formatos pioneiros na captación do son co especialista inglés Aleksander Kolkowski quen axudou a gravar en gramófono e fonógrafo aos asistentes á sesión. Recollemos neste vídeo o tema que os mestres de percusión e gaita, "Chuco" Estévez e Edelmiro Fernández fixeron en cilindro de cera sobre unha foliada, lembrando así a 1ª gravación da historia en Galicia do coro Aires d'a Terra de Don Perfecto Feijóo no 1904 para a Compagnie Française du Gramophone. Podes ver o vídeo na Folque TV ou en www.folque.com na sección de +folque/videos

Acaba de sair publicado o último traballo discográfico de Madamme Cell "Licenciado en humano", un CD de música con poemas do autor e ilustracións orixinais de David Creus, un magnífico disco de inquietudes experimentais divido en tres partes ben diferenciadas: solos ao piano preparado, texturas de sons sintéticos e loops de samplers electrónicos. Este é un traballo na búsqueda do minimalismo sonoro e das texturas auditivas organizadas en células musicais a desenvolver.

Madamme Cell (a.k.a. Nacho Muñoz) é un dos compositores músicos máis veteráns da escena do folk galego (Armeguín, Fol de Niu, Mercedes Peón) reconvertido en improvisador e artista experimental.

O novo e esperado disco de Marful terá unha única presentación no teatro Colón de Coruña o vindeiro 16 de setembro. Na web do grupo podes ver e escoitar un avance do novo traballo, "Manual de sedución". As entradas para este concerto podes adquirilas aquí.