Este sábado comezou a actividade na Praza de Abastos de Vilaxoán dentro do programa de Sabores e Saberes para a dinamización deste espazo singular na vila arousana. A inauguración do venres tivo momentos moi especiais, coma a homenaxe a José Durán Martiñán, Pelonio, mariñeiro de Vilaxoán que fixo cantar a todos os presentes. O domingo, a praza e os espazos adxuntos estiveron cun continuo movemento de xente que atendeu ás demostracións culinarias de Julián Dominguez -e de Nacho Costoya o domingo de deseño de cócteis- a homenaxe á redeira Tucha con Xurxo Souto, o concerto dos Tres Trebóns, obradoiros infantís con ADEGA e a AFI...

Podes ver a galería de fotos da sesión inaugural e do primeiro domingo aquí 

O equipo de aCentral Folque atópase preparando o novo curso escolar 2010/2011 nas escolas que xestiona en SAntiago de Compostela -Escola Livre da MPG- e Pontevedra -Aula Folque infantil. En breve estará toda a información actualizada nesta web.

O prazo de inscrición para as materiais instrumentais da Escola Livre da MPG abrirase o vindeiro luns 13 de setembro

As actividades ao redor da praza de Abastos de Vilaxoán comezarán nesta intensa programación ao redor da música, os productos locais, a cociña, obradoiros de participación,... nesta primeira xornada coa inauguración o sábado 4 de setembro co pregón de Uxía e a homenaxe ao mariñeiro, a actuación do Combo Mariñeiro de Vilaxoán, os cockteis de Nacho Costoya e a sesión DJ con Bigote Mix.

O domingo comezarán as actividades na praza mesma a partir das 10h. Máis detalles aqui

Cun moi bon saber de boca remata este Ciclo Trad 2010 que xirou ao redor de dúas manifestacións de arraigo en Bergantiños: o acordeón e a regueifa. O último día, adicado precisamente á esta forma de improvisación oral estivo cargado de actividades sobre o "repente" ou "regueifa". Houbo actores, clowns, dramaturgos, comunicadores, investigadores, programadores,... e os regueifeiros Suso e Fermín de Xornes, Guillermo da Ravadeira, Luís "O Caruncho" ou benito Lobariñas que no xantar e no palco deleitaron aos presentes coa súa sorna e controversia. Podes escoitar un extracto desta sesión aquí ou mirar en imaxes na galería de fotos de www.folque.com. 

O remate o puxeron Os Carunchos, nun concerto nocturno e feliz.

Este sábado 28 de agosto, acontecerá en Carballo un día cheo de actividades ao redor do repentismo ou improvisación oral, o que na zona de Bergantiños se coñece coma "regueifa". Acubilladas entre a programación do Ciclo Trad e da Praza dos Libros, a Feira do Libro de Carballo, reunirán a máis de trinta especialistas e interesados na materia. Unha xornada pensada pra amosar o fenómeno da improvisación oral como disciplina de comunicación, oralidade, locución, controversia, poesía, música, pedagoxía, lingüística...

Para ver o programa completo, pica aquí

O xoves 26 de agosto preséntase ante os medios "Sabores e Saberes", actividades culturais no mes de setembro para dinamizar a súa Praza de Abastos. Asociacións culturais, produtores locais e empresas súmanse a esta iniciativa do Concello de Vilagarcía de Arousa, en colaboración co Centro Galego de Música Popular, aCentral Folque, e co patrocinio da Unión Europea. Uxía, Mofa e Befa, Carlos Blanco, Trioliro regueifeiros, Tango Bar, Os tres Trebóns,... serán parte dos artistas que actuarán dentro do extenso programa  nos domingos de setembro en Vilaxoán.