Á espera da matriculación
6 de Outubro 2008 - Enviado por Folque a: Novas
3 comentarios
As audicións desta fin de semana foron o último paso para entrar no curso 2008-09 na sé compostelana. A parte dos nervios e da espera dos candidatos e candidatas, o edificio da Escola de Altos Estudos Musicais empezou a respirar con algo de música popular.
En breve se lles comunicará aos prematriculados se foron seleccionados para formar parte deste curso en aCentral Folque Compostela.
Lembrar que este sábado será a presentación do curso na EAEM as 11 da mañá.
Esta semana tamén se abrirá o plazo para formalizar a matrícula.
Por último, non esquecer que este xoves 9 de outubro na Igrexa da Universidade en Santiago ás 20.30 h terá lugar o 1º concerto de aCentral Folque con entrada libre.
Probas de audición para aCentral Folque Compostela
1 de Outubro 2008 - Enviado por Folque a: Novas Engadir comentario
Describimos a continuación as liñas principais da avaliación para a proba de acceso en aCentral Folque Compostela e adxuntamos documento para cubrir antes das probas. Podes descargar o arquivo completo co questionario aquí:
Lembrar tamén que hoxe mércores as 7 pm péchase o prazo de prematrícula. O número de persoas preinscritas supera o límite de prazas en case tódolas materias e non se admitirán máis candidat@s ao peche do prazo. Só nos instrumentos que fiquen sen cubrir, se poderá admitir a trámite a matrícula logo de superar a proba de acceso.
Para poder planificar dunha maneira máis axeitada ditas probas, necesitamos saber se tes experiencia no mundo da música, e de ser así, en que curso consideras que deberías entrar. Este dato non será vinculante e simplemente o facemos para partir dunha idea de cal é o teu nível, e así realizar unha proba máis específica, e polo tanto, máis xusta.
Ademais, consideramos importante coñecerte un pouco mellor, polo que necesitamos que nos envies cuberto ANTES da realización das probas o formulario que atoparás ao final do documento de descricion_audicion_aCF.
Para a convalidación da materia de Linguaxe Musical, será preciso presentar un documento que certifique que se rematou o estudo da materia, ben nun conservatorio, ben nunha escola homologada. De todos os xeitos, se o alumno demostra nas probas ter os coñecementos necesarios poderáselle convalidar de igual maneira a materia de solfexo.
Rematando o prazo de preinscrición: algunha praza libre
29 de Setembro 2008 - Enviado por Folque a: Novas 5 comentarios
O vindeiro mércores día 1 remata oficialmente o prazo de prematrícula para o curso 2008-2009 en aCentral Folque.
Para todas aquelas persoas interesadas, aínda quedan sen cubrir completamente as materias de frautas e requinta, acordeón diatónico e sanfona.
En canto ás que estades xa preinscritas ou vos inscribades estes días, lembrar que as probas de acceso terán lugar estes venres 3 -de 10 a 21 h- e sábado 4 de outubro -de 10 a 14 h.
Empezaremos a avisar persoalmente as horas das audicións e colgaremos os horarios nesta páxina.
Ábrese o prazo de prematrícula en aCentral Folque Compostela
15 de Setembro 2008 - Enviado por Folque a: Novas 15 comentarios
Abrése o 15 de setembro e até o 1 de outubro, o plazo de prematrícula para o acceso no curso 2008/2009 de aCentral Folque Compostela.
O proceso consta de:
- Prematrícula
- Proba de acceso/ audición
- Formalización da matrícula.
As materias impartidas son:
- Canto
- Gaita
- Percusión tradicional
- Sanfona
- Violino
- Acordeón diatónico
- Frautas e requinta
- Linguaxe Musical
- Hª da música popular galega
Proceso de matriculación:
PREMATRÍCULA: Entregar o documento de prematrícula nas oficinas do Centro:
- Rúa Salvadas 22, baixo. 15705 Santiago de Compostela en horario de luns a venres: 10- 18 h
- enviando por correo electrónico o formulario web no enderezo: matricula@folque.com
Datas: entre o 15 setembro e 1 de outubro.
PROBA DE ACCESO/audición: proba de aptitude en instrumento e solfexo para determinar nivel de ingreso na sede de ensino de acentral Folque na Escola de Altos Estudos Musicais no Parque de Vista Alegre s/n. 15705 Santiago de Compostela.
Datas (por orde de chegada):
- 3 de outubro: 16 h - 20 h
- 4 de outubro: 10 h -14 h
MATRÍCULA: formalización de matrícula do alumnado selecionado na proba de acceso co pagamento no banco da cantidade total polas materias a cursar.
Datas: 6 - 17 de outubro.
O resultado da audición para o ingreso, realizarase mediante correo electrónico.
canto custa?
150 € anuais por materia + seguro escolar.
Máis información e consultas:
* correo electrónico: matricula@folque.com
* teléfono: 651 957 361
Descarga o formulario (arquivo.doc): formulario_prematricula
SEGUINTE CAPÍTULO: aCentral Folque, CENTRO GALEGO DE MÚSICA POPULAR
12 de Setembro 2008 - Enviado por Folque a: Novas 1 comentario
Tras a incertidume do último ano, abre as súas portas aCentral Folque, Centro Galego de Música Popular. Tras o éxito do desaparecido Conservatorio de Música Tradicional e Folque nunha andaina de sete anos na súa sé de Lalín, o equipo de produción e docente volve á fronte para botar a andar este novo centro ubicado no barrio de Vista Alegre de Santiago de Compostela.
As oficinas administrativas estarán na Rúa Salvadas 22, baixo e as aulas impartiranse na Escola de Altos Estudos Musicais no Parque de Vista Alegre.
Neste curso impartiranse aulas de: Canto (Guadi Galego), Gaita (Edelmiro Fernández), Acordeón diatónico (Pedro Pascual), Frautas e requinta (Roberto Sala), Percusión Tradicional (Francisco Estévez ‘Chuco‘), Sanfona (Óscar Fernández), Linguaxe Musical (Benxamín Otero), e Historia da música popular galega (Ramóm Pinheiro) aos que se lle suma a materia de Violino impartida por Quim Farinha.
O equipo de aCentral Folque garantirá a continuidade de proxectos complementarios ao ensino regular en Santiago de Compostela cos cursos monógraficos, intensivos de verán e encontros internacionais de instrumentos.
Nos vindeiros días, colgaremos máis informacións e xeitos de matriculación na propia páxina web e en notas de prensa.
O prazo de prematrícula comezará o luns 15 de setembro e pechará o 1 de outubro. A matrícula formalizarase durante o mes de outubro.
Abrirá en breve tamén o prazo de matrícula para a AFI, Aula Folque Infantil de Pontevedra.
Até máis información, isto é todo.
Pablo Devigo gana o XVIII Constantino Bellón
1 de Setembro 2008 - Enviado por gaitomano a: Novas, Concursos Engadir comentario
Pablo Devigo resultou gañador desta edición do Concurso de Gaiteiros solistas Constantino Bellón.
«¡É unha recompensa a moito traballo, despois de presentarme ao premio catro veces…!», nesta ocasión Pablo Devigo, gañou tamén o premio de composición.
Os dous accésits foron para, Bruno Villamor, e para Gonzalo Abelairas.
O premio Seivane ao mellor intérprete foráneo foi para o arxentino Santiago Agustín Molina
Así coma o Bellón de ouro foi para o programa Alalá da CRTVG
Foto: La Voz
AULA CABARÉ 08
26 de Agosto 2008 - Enviado por gaitomano a: Novas, Axenda, Formação, Escea Engadir comentario
Rectificación á nova “Resultados do Gaiteiro de Soutelo”
26 de Agosto 2008 - Enviado por Folque a: Novas Engadir comentario
Folque.com quere aclarar un asunto relativo á nova aparecida días atrás na súa web sobre os resultados do concurso de gaita e tambor Avelino Cachafeiro “Gaiteiro de Soutelo” na súa edición do ano 2008 que tivo lugar en Soutelo de Montes (Forcarei, Pontevedra) o pasado 23 de Agosto.
A nota mencionaba “Cabe suliñar que esta edición do concurso foi organizada pola AGG” (sic).
Esta información é errónea e logo de consultar diversas fontes, desmentimos a afirmación de que a AGG, como organismo non tivo que ver na organización de dito concurso.
O concello de Forcarei tivo contacto iniciais para a colaboración en actos -mostra de instrumentos e actuacións de grupos- do Día do Gaiteiro nos que está enmarcado este certame e que non se organizaron pola AGG.
Folque.com quere pedir desculpas polos malentendidos causados a este respecto e non quere entrar en polémicas sobre o resultado final do certame nin valorar persoalmente á decisión do xurado.
“Prestixio”, espectáculo de Xacarandaina na praza de Mª Pita
26 de Agosto 2008 - Enviado por Folque a: Novas Engadir comentario
O mércores 27 de Agosto terá lugar a representación do último espectáculo escénico montado polo G.M.B.T. Xacarandaina “Prestixio”.
Será na praza de María Pita de Coruña ás 21.30 h
Actos do XVIII Concurso de Gaita Galega “Constantino Bellón”
26 de Agosto 2008 - Enviado por Folque a: Novas Engadir comentario
Como cada ano polo día de San Ramón, o ATENEO FERROLÁN organiza o concurso de gaita galega “Constantino Bellón”, concurso de composición e interpretación de gaita que pretende mante-lo xeito de toca-la gaita galega con técnica e xiros propiamente galegos.
Os actos terán lugar no Teatro Jofre de Ferrol ás 20.30 h os días 30 e 31 de Agosto.
Sábado día 30 de agosto de 2008
Estreno PEZAS gañadoras do Premio de Composición
Domingo día 31 de agosto de 2008
FINAL do XVIII Concurso de Gaita Galega “Constantino Bellón”
Ateneo Ferrolán (Fundado en 1879) www.ateneoferrolan.org
