|
Comeza
a estudiar frauta traveseira e solfexo en Madrid no ano 1987 co
profesor José Luís Vilches (orquesta de RTVE). No
ano 1989 trasládase a Santiago de Compostela, onde continua
os seus estudos no Conservatorio e por outro lado, en contacto coa
música tradicional galega. Continúa a sua formación
frautística da man da profesora cubana Gladis Castelo. Ao
longo deste ano vai coñecendo músicos como Kim Fariña
(Dhais, Berrogüeto), Luis Arean (Dhais), Chus Bello (Xorima,
Beleño) e outros que son para el grandes mestres, que o introducen
na música tradicional e na nova corrente da música
folque.
No
ano 1991 comeza a estudar gaita, requinta e percusións tradicionais
galegas. Durante ese ano e algúns mais, participa en proxectos
como o grupo folque "Breixa", gañador da 2° edición
do concurso "Cidade Vella" de Compostela e "Ophiusa", grupo gañador
de varios concursos, entre eles, o de música folque "Palegrín",
gravando un disco conxunto con outros finalistas. Tamén participa
en numerosos actos co duo de música barroca formado co frautista
Fred Nigels.
No
ano 92 funda o cuarteto de música tradicional "Acibreira",
tocando por toda a xeografía galega xunto a Chus Jiménez
Rojo, Carlos Serrano e Pedro Bouzas. Neste ano, durante a súa
formación frautística pasa a abordar outras músicas
como o flamenco ou o jazz.
A
partir do 95 imparte aulas de gaita, percusións e solfexo,
principalmente na comarca do Deza, nas seguintes agrupacións:
"Ailola" de Lalín, "Grupo de Gaitas do Concello de Dozón",
"Bico da Balouta" de Agolada, "Dalle co Ronco" tamén de Agolada,
"Outras Herbas" de Santiso (Lalín), "O Eixo" da Xesta (Lalín),
"Fiadeira" de Antas de Ulla (Lugo), "Casa da Xuventude" de Lalín",
"Concello da Lama" (Pontevedra). Tamén forma parte, desde
a súa fundación, do grupo de cámara de música
antiga "Martin Codax" de Compostela, dirixido por Manuel Fariña
e Fernando Olbes, co que grava 3 discos. Con esta formación
comeza a tocar instrumentos antigos como a chirimía e o clorormo.
Tamén lle adica especial atención ás frautas
de pico que xa estudara anteriormente.
No
ano 98 súmanse a "Acibreira" Manuel Amigo, Luisa Areán
e Xosé Breijo para interpretar música antiga e de
composición propia recorrendo ata hoxe en numerosísimas
ocasións toda a xeografía da península ibérica.
No ano 99 forma o grupo de música folque "Son do Pao", participando
entre outros festivais na "Esmorga folque" da Bandeira ou na "Foliada
de Lalín" e con un disco en camiño. Xa dende o ano
94 colabora co grupo de investigación etnolóxica formado
por Xosé Breijo, Marta Mouriño e outros músicos
e bailaríns recollendo e aprendendo as vellas tradicións.
Na
actualidade imparte aulas de frauta traveseira e requinta no Conservatorio
Folque de Lalín, aulas de gaita e percusións tradicionais
na agrupación "Arco da Vella" de San Miguel de Reinante (Lugo),
na A.C. "Osorio Gutiérrez" de Vilanova de Lourenzá
(Lugo) e cursos individuais na localidade de Ribadeo (Lugo) xunto
coa súa actividade nos grupos "Acibreira", "Son do Pao" e
"Martin Codax".
|
