“VENTE VINDO” NOVO DISCO DE FÍA NA ROCA
4 de Xullo 2007 - Enviado por xan pampin a: Novas
Trackback
Fía na Roca ten á venda o quinto disco, “Vente vindo”, catorce temas cantados na súa maior parte, e gravada seguindo un proceso novo, participativo e moi vivo.
Levaban tres anos sen gravar, porque como explicou na presentación do cedé Xosé Ramón Vázquez, «somos un grupo libre e independente, que traballamos sen presión comercial nin discográfica. Non temos présa, e menos no panorama actual, no que os grupos escóllense en probas de selección». Tamén deixou clara unha cousa que parece que asenta no sector musical galego: «Temos que esquecer traballar só en Galicia, debemos proxectarnos fóra e máis aló do Estado».
Con ese espírito emprenden unha etapa nova, coa voz de Sonia Lebedynski por primeira vez na maioría das pezas. Iso non significa que renuncien aos principios e as orixes do grupo, que pasan por facer música actual partindo da tradicional e arriscando artisticamente con cada novo paso na súa traxectoria.
“Vente vindo” gravárono en catro días en Angueira, froito dun traballo colectivo, de colaboracións duns e doutros, con arranxos e composicións novas, con Pablo Barreiro de técnico de son e responsable da gravación, nun concerto sen público nin luces, pero con todo o que fai falta para sacar un produto co que están satisfeitos e con gañas de ir de xira todo o verán.
Comentarios
Ola,chámome patricia.
acabo de vir dun festival de asturias e os meus pais tíñanme unha sorpresa,o novo cd de…FIA NA ROCA.
Agora mesmo estouno escoitando e encantame.Bueno a verdade e que gústanme todos.Ah e…Sonia Lebedynski cantas moi ben!encantadesme todos.Un biko dunha fan.
PD:aver se facedes un concerto o que poida ir eu porque nunca coincideme e dame moita pena.jeje
moitos bikos e felicitacións